3644/2024-2025

Aizawl, the 21st December, 2024: Vawiin khan Union Finance Minister Pi Nirmala Sitharaman, GST Council Chairman ni bawk kaihhruaiin Marriott Hotel Golden Ball Room, Jaisalmer, Rajasthan-ah GST Council meeting vawi 55-na neih a ni a. He hunah hian Mizoram aiawhin Education Minister Dr. Vanlalthlana chu a tel a ni.

Nimin khan Union Finance Minister kaihhruaiin vawiina hun hmannaah tho hian State Finance Minister-te'n pre-budget discussion meeting an lo nei tawh bawk a ni.

Education Minister Dr. Vanlalthlana hi Pu R. Zosiamliana, Commissioner of State Tax leh Pu HK. Lalhawngliana, Addl. Commissioner of State Tax te'n an tawiawm a ni.