3643/2024-2025

Dated: Mamit 21st of December, 2024 : Excise & Narcotics Department (END), Mamit-te chuan tun Krismas vuak vetah mipuite'n zu leh ruihhlo lak a fihlim taka hunpui an hman theih Special Drive an nei.

Vawiin khan  National Highway 44A a passenger phur Maxi Cab leh motor tlante Breath Analyser hmanga lo check-in driver te'n zu an ruih leh ruih loh en vek an ni a, dan phal loh bungrua endik nghal zel a ni bawk.

Vawiin vek hian Mamit khawpui chhungah uluk taka duty a ni a, khawpui chhung service -Taxi leh Two wheeler Taxi-te endikin, rinhlelh zawng lirthei dangte pawh check nghal zel a ni. Hunpui lo thleng tur Mamit District mipuite'n hlim tak a hun an hman theih nan theih tawka hmalakna kalpui a ni.

Mamit District Excise & Narcotics Office a thawktute chuan hunpui pualin luanchhuah hun District Hospital Poor Fund atan leh Zu zuar ṭhin sim tawh hmeithai tanpuina an nei nghal a ni.

Pu Lalsangzuala Ralte, Asst.Commissioner chuan midangte ṭanpuina tura sumfai thawhkhawm thin hi kartin thawhtanni tuk chhung inkhawm an neih tlingkhawm atanga pek a nih thu sawiin hetianga midangte tanpuina atana thawhtute chungah lawmthu a sawi.