Vawiin chawhnu dar 3:00Pm khan Pi Harleen Kaur, IAS District Bawrhsap leh Chairperson District Monitoring Committee  for Private TV Channels (DMC)  ni bawk kaihruaina hnuaiah DMC Meeting nei a ni.

Vawiin meeting-ah hian The Cable Television Networks (Regulation) Act, 1995 hnuaia Programme Code leh Advertising Code te thlir ho va huangzau taka sawiho a ni a. Siaha District-a Private  Cable Operator pahnih New Skylink Vision (NSV) leh Hnyaloom Skylink Vision (HVS) te chuan he The Cable Television Networks (Regulation) Act, 1995 leh I&PR Department siam Booklet  “Cable Operators te Mawhphurhna leh an hriat tur pawimawh te”  tih te chu an zawm tha hle in Meeting-ah report a ni.

Meeting chuan Cable Operator te chu The Cable Television Networks (Regulation) Act, 1995 hnuaia Programme Code leh Advertising Code te chu palzut lo va, tha taka zawm chhunzawm zel turin an ngen a.  Meeting chuan Siaha District Mipui te chu Cable TV kal tlanga Programme/ Serials/ Films etc. pekhhuah-ah Advertising Code leh Programme Code palzutna 7 hriatna neih chuan DC Office leh I&PRO Office-ah  Office hun chhungin Complaint na hi  thehluh thei reng a ni a. Complaint lut te chu District Monitoring Committee chuan  dan dinglai The Cable Television Networks (Regulation) Act, 1995 hnuaia Programme Code leh Advertising Code te palzutna a awm leh awmlo zirchiangin,  a tuldan ang zelin hma a la dawn a ni