Vawiin chawhnu dar 2:00Pm khan DC conference Hall-ah  District Task Force Commitee ten Covid-19 chungchangah emergency meeting neiin; covid-19 lakah Siaha district hi engtin nge kan him theih ang tih ngaituahin meeting khunkhan tak an nei.

Tarik ni 7/3/2020 ah khan  District Magistrate chuan Siaha district a khaw 10: Lopu, Chapi, Khaikhy, Zyhno,Lodaw, Lomasu, Iana, Siasi, Laki leh khopai khua te leh Myanmar inkalpawhna kawng a lo khar tawh a. He mi bakah hian Inter district Border crossing point a khaw 3: Kaochao,Tipi Ferry leh Tlapi-ah te Check post siamna tur order a lo chhuah tawh a ni.

Heng khaw 13-ah te hian  Gram Sabha ko-a Sentisization campaign neih turin  Siaha BDO leh Tipa BDO te pawh vawiin lamah an feh chhuak tawh bawk a ni.

Vawiin meeting chuan heng khaw 13 -ah te hian Kohhran,NGO leh VC te joint Committee din theuh tura ngen relin,  heng Joint Committee te hian an khua nena Myanmar  inkalpawhna kawng/khan te chu  vil theuh tura ngen a rel bawk. An mahni puibawm turin MADC Forest dept leh Border Area khuaa India sipai awmte pawh sawm an rel bawk. Heng khaw 13-ah te hi  tarik ni 13 leh 14 March,2020 khian Medical, NGO hruaitute, Joint VC hruaitute, Police leh DC office  joint team te chuan  tlawhin, Covid-19 laka inven nana heng khaw 13 ten Myanmar nena inkalpawhna kawng an vil dan te enpuiin, Sentisization campaign  an neih zui nghal dawn a ni.

Tunah hian Siaha Medical office te chuan khawsik hriat theina khawl Thermal Infra Red Sensor pakhat leh Personal Protection Equipment (PPE) 15 chauh an nei a, TIRS hi 2 a lo kal mek thu report a ni a. Heng TIRS te hi Check post pathumah an dah dawn a ni.  TIRS  bakah hian medical dept  chuan 

 Self Reporting Format hi check point 3 ah an dah vek ang. TIRS leh Self reporting format a tanga hian Covid-19 pai theih nia rinhlel khualzin;   Siaha district chhunga lo lut te chu ni 20 chhung an dah hrang dawn a ni.