No.4129/2021-2022
Aizawl, February ni 28, 2022 : Vawiin chawhma dar 11:00Am khan D.C's Conference Hall-ah District Task Force on Immunization (DTFI) meeting chu Siaha District Bawrhsap leh DTFI Chairman nibawk Pu Lalsangliana hova neih a ni.

Pu Lalsangliana chuan thusawiin, Hri danna pek chungchanga Chief Medical Officer leh a thawhpuite taimakna leh inpekna a fakawm tak zet a ni, a ti a. Hun lo kal zel turah pawh tunaia tan la zual zel tura fuihin, puibawm ngai lai leh hmalakpui theihna kawngah ka in hawng reng dawn a, lungrual tak leh inpawh tlang taka thawhpui tura a inpeih reng thu sawiin, inthlahrung lova thurawn thin turin a sawm hlawm bawk a ni.

Dr. Lalnunziri, DIO, Siaha chuan Siaha District chhunga an hmalakna hrang hrang te report pekna hun a hmang a. Intensified Mission Indradharnush (IMI), Routine Immunization (RI) leh Covid Vaccination chungchanga an hmalak tawhna te leh an hmachhawp mek te sawina hun a hmang bawk a ni.

National Immunization Day (NID) Zenghri danna beihpuithlak hawnna chu Dt 01.03.2022 khian Siaha Main Centre-ah Pu Lalsangliana, Deputy Commissioner leh Chairman, DTFI nibawk hova neih a ni dawn a ni.

Vawiin District Task Force on Immunization meeting ah hian DTFI a thawktute bakah NGOs aiawhte an tel kim hle a ni.