Vawiin chawhma dar 10:00AM khan DC’s Conference Hall Siaha-ah District Vigilance and Monitoring Committee te chuan an Chairman Pu CL.Ruala, MP (Lok Sabha) , Co- Chairman Pu Ronald Sapa Tlau, MP( Rajya Sabha) leh Dr.K. Beichhua, MLA Siaha Bialtu ho vin an thu khawm. He DV&MC thut khawmah hian CSS (Centrally Sponsored Scheme) khawih department hrang hrang ten 2016-2017-a, 1st quarter chhunga an hnathawh leh hmalakna hrang hrang te tarlangin, an hmachhawp hrang hrang te pawh thlir hova huang zau taka sawi ho a ni. 2015-2016 last quarter atanga hmasawnna an neih ang ang leh harsatna an neih te Meeting-ah hian an thlen a ni.

Pu CL Ruala chuan Line Department Head of Office te chu Saiha District mipuite hmangaihna nena thahnem ngai taka hnathawk turin leh CSS sum hmanga an hmasawnna hna an thawh chuan Saiha District-a an hming chher se la; ram roh tling eng emaw tal hnutchhiah tum theuh turin a chah hlawm a.

Pu Ronald Sapa pawhin CSS hnuaiah Department thawhho a tul chang a awm fo va, Head of Office te chu inlungrual tak leh mipui te hamchhatna tur leh ram hmasawnna tur rilru-a dah pawimawh ber chunga hna thawk theuh turin a chah hlawm a ni.

Vawiin meeting-ah hian Saiha District Civil Hospital Sak lai mek design & estimate-a SNCU( Sick New born Care Unit) a tel veh lo thu te, 2014-2015-a Saiha District IMR( Infant Mortality Rate) 116% atangin 2015-2016-ah chuan 38% ah a tlak hniam tawh thu te, 2015-2016 chhungin Saiha District-ah nauchunga thi( Maternal Death) 7, mahni in a thi-4 leh Hospital-a thi 3 an awm thu te, Lungbunleh Miepu khuaa Health Worker an awm lo thu te, Saiha District Hospital-a Dental Surgeon pakhat mah an awm lo thu te, Nauchunga thi 3 lai awmna Phura PHC Area a Ambulance an mamawh thu te chu Medical Department chuan meeting-ah a thlen.

PMGSY hnuaiah Kawngpui 8, a thui zawng belhkhawm 132.79 Km sial mek a ni thu leh Niawhtlang to Chakhang inkar kawngsiam hna contract erawh terminate a, Re-Tender leh tur thu PWD lam chuan report an pe bawk.

PHE Department chuan Tongkalong WSS (Solar Pumping) chu zo tawhin, Tokalo khua-ah April ni 28 khan an tui an Pump chhuak thei tawh a. Solar Pumping zing-ah chuan Tui Pump head san zawng hi Asia ram pumpuia sang ber a ni thu tarlan a ni bawk. Augmentation of Saiha GWSS erawh zawh hun tur bituk; last Quarter 2015-2016-ah zawh thei lo an tarlang a. Siaha Bialtu MLA Dr.K.Beichhua chuan SGWSS tuilakna hmun a tlawh thu leh hnathawktu 1 leh taksa-a rualban lo 1 chiah an lo awm thu leh, hei hi Contractor in hnathawktute hlawh a pek that loh avanga a ni thu sawiin, meeting hian MP pahnih te chu bawhzui sak turin a ngen bawk.

DRDA chuan Saiha District-ah Job Card holder 13705 an awm mek thu leh 2015-2016 chhungin MNREGS hnuaiah ni 74 inhlawhna an siam thu leh, 2016-2017-ah ni 14 inhlawhna an siam tawh thu an tarlang bawk.

Heng bakah hian heng CSS hnuaia hmasawnna hnathawk heng : DSWO( Mizoram & MADC), DHO, P&E, BDO( Siaha RD Block& Tipa RD Block te), DEO leh SSA department te hian an hnathawh tawhna leh an hmachhawp te tarlangin, harsatna an tawh hrang hrang te pawh meeting-ah hian an thlen bawk a ni.

Attachment

  • Loading attachment...