Kan hriat theuh angin Mizoramah P.R.R.S. ( Porcine Reproductive and Respiratory Syndrome ) April thla chawhnu lam atangin a leng mek a, Tun dinhmunah District pali - Champhai, Serchhip, Lunglei, leh Lawngtlaiah te PRRS hrileng hi finfiah (confirm) a ni tawh a, Vawk Sangthum(3000) chuang zet he hri avang hian Zoram pumah an thi tawh ni a report dawn a ni a, he hri leng mek hi tam takin an dam loh phah mek ani. He hrileng hi A.H & Vety. Department chuan pawi a tiin a ngai pawimawh em em ani.

PRRS hrileng mek hi a darh zau zel loh nan leh ran damlote tha taka enkawl turin A.H & Vety. Department chuan abik takin Field Officer leh Staff zawng zawngte, theih tawp chhuah a PRRS hrileng tirem tura hma nasa lehzuala la chhunzawm zel turin kan in hriattir a ni. Hrileng hi tha taka Control hma chuan Field Officer leh Staff zawng zawng te tul bik thil tak takah lo chuan mahni Station chhuansan lova a tul ang zela mipui rawngbawl turin hriattir kan ni e. PRRS hri-in ala thlen lohna Khua/District a awmte pawhin mahni awmna Khua/District theuh ah mipuite he hrileng laka inven dan tur leh fimkhur a pawimawh zia te hrilh hriat kawngah tan la deuh deuh tura hriattir in ni e.

He thupek zawm duhlo kan awm anih chuan action lak nghal zel ani ang.