3376/2024-2025

Siaha the 5th December 2024: Vawiin chawhma dar 11 khan District Level Coordination Committee (DLCC) thutkhawm chu DC Mini Conference Hall, Siaha-ah neih a ni a. Addl DC Pu Abraham Beirazi Khithie chuan thutkhawm hi a kaihruai.

Thutkhawm kaihruaitu chuan DLCC member kal khawmte chu lawmthu hrilhin  Mizoram mipui, a bikin Siaha District mipuite chu Financial Literacy an mamawh hle a ti a, bank-a thawkte chu hemi kawngah  theihtawp chhuah tura ngenin Financial Literacy Campaign (FLC) lamah chak zawka hmalak zel a tul thu a sawi. Jan Suraksha Campaign- chu thla thum chhung ngawrh taka kalpui tura ruahman a nih angin, he hun chhung (15^th October 2024- 15^th January 2025) hian Siaha district chhunga Bank awmte theihtawp chhuah turin leh insurance scheme pawimawh tak PMSSBY leh PMSBY chungchang thahnem ngai taka campaign kalpui turin a sawm a ni.

Pu Joseph M Soren, Lead District Manager (LDM), Lead Bank Office chuan agenda sawi hawnna a nei a, September 2024 thlenga bank branch-te hmalakna hrang hrang leh an achievement-te tarlangin quarter hmasa nen tehkhinin hmasawnna tam tak hmuh tur a awm chu lawmawm a tih thu a sawi. Branch tinin thla khatah banking leh a kaihhnawih chungchang mipui hrilhhriatna (Financial literacy campaign) buatsaih thin turin a ngen a, Jan Suraksah campaign hun chhungin an khaw thlan bik theuha (alloted villages) ruahmanna an neih te ti hlawhtling ngei turin a ngen bawk.

Vawiin thutkhawmah hian Jan Dhan Account (PMJDY) hnuaia bank hrang hrangte account hawn thar leh renewal an neih zat te, social security scheme (PMJJBY, PMSBY, APY) hnuaia inziaklut zat leh renewal awm te, RBI in CD ratio a bituk zat 60% chu Siaha districta bank tam zawkin an khum a, IDBI chuan a la phakloh thu tarlan niin tan la chhunzawm tura ngen an ni bawk. Priority Sector hnuaia Housing loan, education loan, social infrastructure loan, renewable energy loan, loans to weaker section bakah Non Priority Sector hnuaiah agriculture loan, education loan, housing loan leh personal loan  bakah PMEGP leh PMMY (Mudra loan)  dinhmun te thlirho a ni a, loan pekchhuah chungchanga harsatna an neih te leh loan chhia (npa) chungchangte sawiin heng harsatna sutkian dan tur te ngaituah ho a ni. DLCC Meeting-ah hian Siaha-a bank branch hrang hrang aiawhte bakah line department te an kalkhawm.