2643/2024-2025

Siaha the 22nd October 2024: Vawiin khan DC Mini Conference Hall, Siaha-ah District Level Coordination Committee (DLCC) thutkhawmna neih a ni a, Addl DC Pu Abraham Beirazi Khithie chuan he hun hi a kaihruai a ni.

Pu JM Sorem, Lead District Manager chuan Sawrkar Laipui scheme ‘Pradhan Mantri Jeevan Jyoti Bima Yojana’ (PMJJBY) leh ‘Pradhan Mantri Suraksha Bima Yojana’ (PMSBY) te Village Council level-a hrilhhriatna buatsaih tur chungchanga vawiin thutkhawm chu koh a nih thu a sawi a, Campaign period chu October ni 15, 2024 atanga January Ni 15, 2025 a nih thu a tarlang. September Ni 11 2024 thlenga PMJJBY a inziaklut mi 9.29 crore leh PMSBY ah mi 32.07 an awm tiin campaign period chhung hian PMJJBY ah 12.14 crore leh PMSBBY ah 36.29 kai tir tum a nih thu a tarlang bawk.

Vawiin thutkhawm chuan VC tina campaign neih hun tur bakah bank branch ten awareness an buatsaihna hmun leh khua tur ngaihtuah ho a ni a, Campaign hlawhtling tak neih a nih theih nan district administration, Lead District Manager, Bank branch te leh line department-te mawhphurhna theuh sawi nghal a ni. Meeting-ah hian Siaha District chhunga bank branch-te chuan PMJJBY leh PMSBY a inziahluh chungchanga harsatna an neih te leh an hmalak tawhnate an tarlanga, chinfel dan tur an sawiho bakah heng scheme hnuaia hamthatna awm te a tam thei ang bera mipui hnena awareness pek an rel bawk a ni.