Vawiin chawhnu dar 1:00Pm khan Pi Harleen Kaur IAS, District Election Officer leh District Bawrhsap ni bawk chuan a office chamber-ah 1st Jan, 2018 qualifying date a hmana duan Draft E/Roll for 2nd Summary Revision chu a tlangzarh.

He  Draft E/Roll tlangzarhnaah hian thusawiin DEO Pi Harleen-i chuan  Kumin a ECI(Election Commission of India) ina Election thupuia a hman chu Accessible Election ( Banphak Election) tih a ni angin, mipui mimir leh PWD(Person  With Disability) te pawhin awlsam zawka  vote an thlak thei nan leh Election kaihhnawi thil awlsam zawka an buaipui thei nan Voters' Fecilitation Centre  pakhat ve ve Saiha(39) leh Palak(40) constituency-ah hawn a ni a. Polling Station pawh 5 siam  belh a, 2 a awmna thlak tura ECI a dilna thehluh tawh a ni thu  sawiin, Saiha (39) Constituency hnuaiah PS -36 leh Palak (40)  hnuaiah PS- 43 a awm tawh beisei a nih thu a tarlang bawk.

Vawiin Draft E/Roll tlangzarh takah chuan Saiha(39) Constituency hnuaiah mipa voter-9878 leh hmeichhe voter-10742, a vaiin voter-20620 an awm a. Palak(40) constituency hnuaiah mipa voter-8797 leh hmeichhe voter-8936 an vaiin voter-17733 an awm mek  bawk.

Tichuan Siaha District pumpuiah mipa voter-18675 leh hmeichhe voter-19678, a vaiin voter-38353 an awm mek a ni. District Electors- Population Ratio hi 585 (38353/66047) niin, District Electors Sex Ratio hi 1054 a ni mek bawk.

Kan hma lawka Assembly Election lo awmturah  Saiha(39) constituency ERO atan Election Officer AERO atan BDO Siaha te ruat an ni a. Palak(40) Constituency ERO atan SDO(S) leh AERO atan BDO Tipa te ruat an ni.

Draft E/Roll Hard copy leh Soft copy te, Claims& Object siamna tur form hrang hrang, Form-6,6A,7,8 & 8A te hi Voters' Fecilitatio Centre-a dah a ni. Election kaihhnuai thila zawhna nei leh  Draft E/Roll  a an awm leh awm lo en duh te chuan Voters' Facilitation Centre atang hian zawh theih leh en thei vek a ni ang. Voters' Facilitation Centre hi DC Conference Hall bula E-Centre-ah hun a ni.

Kan hma lawk  Assembly Election -ah hian tum danga an la hman  loh VVPAT( Voter Verifiable  Paper Audit Trail) hman a ni bawk dawn a ni.

Vawiin Draft E/Roll an tlangzarh atanga Claims& Objections siam duh te chuan Form hman tur dik tak hmangin 21st August,2018 thlengin  ERO emaw BLO hnenah emaw a thehluh thei ang.

Vawiin Draft E/Roll tlangzarh tak hi Political party aiawh lo kalkhawm te hnenah  DEO Pi Harleen Kaur IAS chuan Copy khat theuh a Hard  leh Soft  copy in a hlan hlawm a ni.