1340/2023-2025 

Dated Siaha 2nd August, 2023: Vawiin chawhma dar 10:30 khan Pu Lalhmunsanga Hnamte, District Election Officer leh District Bawrhsap ni bawk chuan DC Mini Conference Room-ah 1st October, 2023 qualifying date hmanga duan Draft E/Roll chu a tlangzarh.

He Draft E/Roll tlangzarhnaah hian thusawiin Pu Lalhmunsanga Hnamte (DEO) chuan Draft E/Roll tlangzarh theih a ni chu lawmawm a tih thu tarlangin E/roll-te a lo thianghlim a a lo felfai zawk theih nan Party tin leh NGO- te nen tanrual a thawhho a pawimawh tak zet a ni, a ti. Saiha (39) Constituency hnuaiah Polling Station-37 leh Palak (40) hnuaiah Polling Station- 44 a awm mek thu a tarlang bawk.

Vawiin Draft E/Roll tlangzarh takah hian Saiha (39) Constituency hnuaiah mipa voter-11238 leh hmeichhia voter-12188, a vaiin voter-23426 an awm a. Palak(40) constituency hnuaiah mipa voter- 9954 leh hmeichhia voter-10189 an vaiin voter-20143 awm in, Siaha District pumpuiah mipa voter-21192 leh hmeichhia voter-22377, a vaiin voter-43569 an awm mek a ni.

Kumin kumtawp a MLA inthanpui lo awmturah hian Saiha (39) Constituency ERO atan Additional Deputy Commissioner ruat niin AERO atan BDO Siaha ruat a ni a . Palak (40) Constituency ERO atan SDO(S) leh AERO atan BDO, Tipa te ruat an ni bawk.

Vawiin Draft E/Roll tlangzarh atanga Claims & Objections siam duh te chuan Form hman tur dik tak hmangin 31st August, 2023 thlengin ERO emaw BLO hnenah an thehlut thei a ni.

Vawiin Draft E/Roll tlangzarh tak hi Political party aiawh lo kalkhawmte hnenah Copy khat theuh (Hard leh Soft copy) chu Pu Lalhmunsanga Hnamte District Election Officer chuan a hlan nghal a ni.

Attachment

  • Loading attachment...