1339/2023-2025 

Kolasib dated 2nd August 2023: Vawiin chawhma khan DC Conference Hall, Koalsibah Pu John LT Sanga, Deputy Commissioner leh District Election Officer ni bawk chuan July ni 1, 2023 behchhan a Kolasib district chhung a Assembly Constituency pathum a Electoral roll ennawnna, Special Summary Revision of Electoral kalpui nan ‘Draft Electoral Roll’ a tlangzarh. He hun ah hian Returning Officer, Electoral Registration Officer, Assistant Electoral Registration Officer leh District Level Standing Committee-te an tel a, Political Party aiawh lo kalte hnen ah Draft Electoral Roll hi hlan nghal a ni bawk.

Pu John LT Sanga, District Election Officer chuan mipui rorelna tichiang tur chuan kum 18 tling tawh zawng zawngin Electoral Roll a inziahluh leh inthlan hun a vote thlak an ngaih pawimawh a tul thu sawiin chumi tihlawhtling tur chuan Election Office-a thawktute bak ah khawtlang, tlawmngai pawl leh Political party-a hruaitute tanrualna a pawimawh thu a sawi. Pu John LT Sanga chuan inthlanna felfai leh rintlak kalpui a nih theih nan Electoral Roll siamthat hun hawn chhung a inziaklut thar tur te, hming siam tha tur leh Roll atang a hming paih ngai awm te chu a hun tak a buaipui a pawimawh thu a sawi bawk a ni.

Vawiin Kolasib district Draft Electoral Roll tlangzarh ah hian voter awm zat chu 62659 a ni a, mipa 30295 leh hmeichhia 32364 an awm a, mipa 1000 zel ah hmeichhia 1068 awm anga chhut a ni. 4-Tuirial (ST) Assembly Constituency ah voter 18249 an awm a, 5-Kolasib (ST) Assembly Constituency ah voter 23713 awmin 6-Serlui (ST) Assembly Cosntituency ah voter 20697 an awm bawk a ni. January ni 13, 2023-a Electoral Roll tlangzarh nen a khaikhinin vawiin a Draft Electoral Roll a voter awm zat hi za zel ah 1.1% in a kiam a, a kiamna zat hi voter 697 ang a chhinchhiah a ni. Bru voter, Kolasib district atanga pem chhuak tawh mi 1094 chu Form 7 hmangin Electoral Roll atanga paih fel a nih tawh thu tarlan niin kum tling thar leh chhan hrang hrang avanga Electoral Roll-a hming ziah luh dilna 785 pawm a nih thu tarlan a ni bawk. Kolasib District chhung a MLA inthlanpui inpuahchahna kalpui dan sawi niin Sector Officer 16 ruat a nih thu leh Polling Station endik hna kalpui a nih dan te sawi a ni a, Polling Station 9 thlak dilna pawh pawm a nih tawh thu sawi a ni.

October ni 1, 2023 behchhan a Electoral Roll ennawnna a dilna hrang hrangte chu vawiin atanga August ni 31, 2023 thleng Booth Level Officer-te kaltlangin a thehluh theih ang a. Electoral Roll siamthat chu October ni 4, 2023 hian tlangzarh leh tur a ruahman a ni ang.