1338/2023-2025 

Vawiin hian Serchhip District Election Officer Pu David Lalthantluanga, Serchhip Bawrhsap ni bawk chuan Special Summary Revision of Photo Electoral Roll, 2023 neihna tura Draft Electoral Roll, 2023 a tlangzarh a, Political Party leh tlawmngaipawl aiawhte hnenah Roll thar hi a hlan nghal bawk a ni.

Pu David Lalthantluanga chuan political party leh tlawmngai pawl aiawh kalkhawmte chibai bukin Draft Electoral Roll tlangzarh a ni ta chu lawmawm a ti a. Serchhip District ah Deputy Commissioner hna a zawm thar thu leh thawh hona tha tak hnuaiah District inrelbawlna tluang taka kalpui theih a inbeisei thu a sawi a. Inlungrual taka Serchhip hmasawnna tura hma an lak ho theih nan thawhhopuiah DC chuan a sawm a ni.

Draft Electoral Roll 2023 tlangzarh takin a tarlan danin Serchhip District chhunga Assembly Constituency 3 huamchhungah Polling Station 88 a awm a.  Vote nei mi 53,813 (mipa 26,118 leh hmeichhia 27,695) an awm a, Service Voters 415 an awm bawk. Assembly Constituency zingah 26-Serchhip A/C ah vote nei mi 20,409 (mipa 9599 leh hmeichhia 10,810) awmin an tam ber a, 27-Tuikum A/C in dawtin vote nei mi 16,843 (mipa 8345 leh hmeichhia 8498) awmin an dawt a, 28- Hrangturzo A/C-ah voter 16,561 (mipa 8174 leh hmeichhia 8387) awmin vote nei awm tlemna ber a ni.

Special Summary Revision of Photo Electoral Roll, 2023 ah hian qualifying date chu October ni 1, 2023 a ni a, hemi ni a kum 18 tling hman tur India khua leh tui (citizen) dik takte tan Electoral Roll-a inthun dil theih a ni a, hemi rual hian siam that ngai siam, paih ngai paih leh insawn duhte siam fel theihna hun pawh hawn a ni a. Ruahman dan chuan Special Summary Revision of Photo Electoral Roll 2023 kaltlang hian August   ni 2 atangin August ni 31, 2023 thlengin Claims and Objection Period- Electoral Roll-a inthun, paih, insawn leh siam that, dilna thehluh theih hun chhung hawn a ni a, hemi hun chhung vek hian a remchan dan angin hearing neih chhoh zel a ni ang. September ni 22, 2023 ah zawh fel vek tur a ni a. October ni 4, 2023 hian Final Publication of Photo Electoral Roll neih a ni ang.