1337/2023-2025
Aizawl, the 2nd August 2023: Aizawl Traffic Sr SP Stephen Lalrinawma chuan a hnuai tarlan ang hian Zemabawk huam chhunga lirthei tlan dan tur ruahmanna thar a siam.
Mizoram State Sorkar Notification No.B.12021/10/04-TRP Dt.22.8.2008 leh Section 115,117 of MV Act, 1988 in Aizawl Traffic Sr Superintendent of Police thuneihna a pek ang leh Local Council- Zemabawk leh Zemabawk North te nen sawiho a nih hnuin vengchhung mipuite him zawkna'n Zemabawk Kawnveng atanga Venglai panna kawng leh Zemabawk North, NH-54, Upa Rochhinga (1) In bul atanga Zemabawk Venglai panna kawnga lirthei tlan dan tur a hnuaia mi ang hian thupek chhuah a ni.
He thupek hi ni 2.8.2023 (Nilaini) atanga thu leh awm hma chu hman tur a ni ang a. Hei hian Inrinni, Pathianni leh Sorkar chawlh (Govt. Holiday) a huam lo ang.
1) Zemabawk Kawnveng atanga Venglai panna kawng hi Zing dar 8:30 atanga Zing dar 9:30 chhung a chhuk zawngin one way tur a ni. Helai kawngah hian Two Wheeler tiam lovin lirthei dang tlan chhoh phal a ni lo.
2) Upa Rochhinga (L), Zemabawk North In bul peng: NH-54 atanga Zemabawk Venglai panna kawng hi Zing dar 8:30 atanga Zing dar 9:30 chhung a chho zawngin one way tur a ni. Helai kawngah hian Two Wheeler tiam lovin lirthei dang tlan thlak phal a ni lo.
3) One Way chhung hian One Way huam chhung kawngpui dungah lirthei engmah dah phal a ni lo.
He thupek zawmlo te chu Section 177 of MV Act. hmanga hrem theih an ni ang. Hei hian chhiatrupna thil, kangmei leh emergency kaihhnawiha duty te, dan leh thupek pawimawh bika Police leh Magistrate duty-te chetvelna a huam lo ang. He thupek hian helai kawnga lirthei tlan dan tur ni 11.7.2023-a thupek lo chhuah tawh chu a luah lan ang.
