242/2025-2026

Dated Siaha 21st April, 2025: Vawiin chawhma dar 11 khan Pu VL Hruaizela Khiangte, District Election Officer leh Siaha District Bawrhsap ni bawk chuan DC Mini Conference Hall-ah Mara Autonomous District Council hnuaia Village Council By-Election-a hman tura duan draft electoral roll chu a tlangzarh. Vawiina tlangzarh tak hi 1st April, 2025 qualifying date behchhana duan a ni.

District Election Officer Pu VL Hruaizela Khiangte chuan draft electoral roll tlangzarh a ni chu lawmawm a tih thu sawiin, he hun hmang tura political party hrang hrang aiawh an kal thei chu lawmthu hrilhin, inthlanna kaihhnawih reng rengah chuan political party mi leh sa an tel ve zel a ngaih avangin an mawhphurhna tha taka hlena, thawktute thawhpui zel turin a sawm nghal bawk.

Pu VL. Hruaizela Khiangte chuan roll revision hi ram leh hnam humhalhna hmasa ber anih thu sawiin, kalkhawmte chu roll-a thun leh paih kawngah fimkhur taka kal turin a chah a; kan ram leh hnam tana him lo thei venpuitu ni turin a sawm nghal bawk.

Vawiina Village Council By-Election-a hman tura duan draft electoral roll tlangzarh takah hian khaw 12 atangin mipa vote nei 3201 leh hmeichhia vote nei 3517, vote nei zawng zawng 6718 an awm a, chhungkhua 1953 an ni.

Draft electoral roll tlangzarh tak atanga claims & objections siam duhte chuan ni 30th April, 2025 thleng ERO emaw VLO emaw hnenah form siamsa lachhuakin dilna an thehlut thei a, final electoral roll hi 16th May, 2025-ah tlangzarh a ni ang.

Mara Autonomous District Council hnuaia Village Council By-Election neihna tur khuate chu:-

Sl. No

Village

No. of Seats to be elected

No

Name

General

Reserved

1

7

Meisatlah – I

1

-

2

8

Meisatlah – II

1

-

3

11

Siaha Vaihpi – I

1

-

4

17

New Colony – I

1

-

5

18

New Colony – II

1

-

6

27

Siahatlah – II

1

-

7

29

Noaotlah – I

4

1

8

35

Chhaolo – III

3

1

9

55

Chakhei – II

4

1

10

57

Siasi

1

-

11

62

Tipa ‘D’ – I

1

1

12

87

Tokalo

4

1

Total

23

5

Draft electoral roll tlangzarhna hun hman zawh hian Pu Vanlalchhuanliana, Election Officer kaihhruaiin Assistant Electoral Registration Officer te tan training neih chhunzawm nghal a ni.

Vawiina draft electoral roll tlangzarhah hian election branch-Siahaa thawktute bakah ERO/AERO leh Political Party aiawh an tel a, Pu VL Hruaizela Khiangte, DEO chuan political party aiawh kalte hnenah copy khat theuh a hlan nghal a ni.

Attachment

  • Loading attachment...