Vawiin chawhnu dar 3:00PM khan Siaha District VC 8 a By-Election neih tur a lokal Observer Pu Lalthangpuia Sailo,IAS,Secretary Parliamentary Affairs Dept,Co-operation hovin political party hrang hrang aiawh te nen DC office Chamber-ah meeting an nei.

Pu Lalthangpuia Election Observer chuan Siaha Dist. a Election office inpuahchahna chu fakawm a ti a, Party hrang hrang aiawh te nena rilru inpawh taka kan hma lawka VC 8 a By-Election neih tur chungchang an sawiho thei chu lawmawm a ti thu a sawi bawk.

VC By-Election hi VC 9 a neih tura inpuahchahna kalpui mek a nih laiin, Noaotlah-II a By- election nei tur erawh High Court a case kal lai a awm tak avangin thulh a ni rih dawn a ni. VC By-Election neih hun tur hi ni 15/11/2016 a Final E-Roll Publish a ni hunah tih chian a ni ang.

Vawiin Election Observer hova meeting ah hian Political Partyhrang hrang aiawh te bakah Pu N.Chakhai,Addl.DC, Andy Lalfakzuala,SDC,Laldinfeli SDC leh PU N.Vabeiratlua DIPRO te an tel a ni.Meeting zawh ah hian Pu Lalthangpuia chuan Polling Booth hunna tur School thenkhat a tlawh nghal bawk a ni.