Vawiin chawhma dar 11:00Am khan MTP(H) buatsaihin Pu KT.Beicho IRAS, Commissioner & Secretary, Excise & Narcotics hovin tlawmngai pawl hrang hrang aiawh kal khawm te nen Discussion on drugs scenario in Siaha district  tih thupui hmanga huangzau tak leh khunkhan taka inkawm hona hun hman a ni.

Vawiin Programme hi Pu PP.Zalena, President, MTP(Mara Thyutlia Py) Hqrs. in  kaihruaiin,  Rev.Dr.ST.Zawsi, Executive Secretary, ECM Hqrs. in hunserh a hmang.

Vawiin inkawmhona-ah hian thu sawiin, Pu KT. Beicho IRAS chuan Ruihhlo hian Mizoram thalai te nunna tam tak a suat tawh a, a la suat mek zel a ni.  Siaha District pawh bang bik lovin District chhunga thingtlang khaw kilkhawr ber ber pawh Ruihhlo hian a run mek tawh a ni.

Ruihhlo zuartu leh ngai te chunga  Hremna na tak an lekna ram  Asia ram  tam tak leh Middle East ram tam takah pawh Ruihhlo hi a rem phah chuang lo.

 Death Penalty pawh hian Ruihhlo hi a tihrem  thei tak tak lo a ni tih chu kan hre vek a ni. Chuvangin vawiinah hian Tlawmngai pawl hrang hrang te leh Sawrkar tangkawp hian Ruihhlo zuartu te leh ngai te hi eng tianga enkawl tur  nge ni ang, ti hi kan sawiho ka duh chu a  ni, a ti.

Siaha district-ah hian tlawmngai pawl hrang hrang leh sawrkar tangkawp hian Ruihhlo ngai te census hi la theiin,  statistic dik tak te hi  nei thei i la chuan ruihhlo dona kawngah thil tangkai tur tak a ni, a ti.

 Operation good samaritan  beihpui te hi thlakin,  ruihhlo ngawlvei  te leh ruihhlo zuartu ten an thiltih an sim thei nana enkawl dan  kawng dang kan dap a hun tawh  a ni, a ti  bawk.

 Excise & Narcotics Office siaha pawhin  Sawrkar leh tlawmngai pawl ten pheikhai rual taka ruihhlo kan do tlan thei nan Dan leh hrai inzirtirna seminar /workshop te hi lo buatsaih thin  turin ka ngen hlawm bawk a ni, a ti.

Vawiin programme hi session hnih a thenin, session khatnaah hian Pu. KT. Beicho IRAS bakah   Superintendent​ of E&N, Lunglei District leh Siaha District Supdt of E&S aiawh ten  thusawina hun an hmang bawk.

Revd.NC.Vabeilua, Sr.Adviser in MTP(H) kumpuan Thawhrimna leh intodelhna tih paper a  presentation hun hmang a bawk.

Session hnihna-ah hian tlawmngai pawl hrang hrang aiawh kal khawm ten, ruihhlo dona kawnga   an tawn hriat leh hmathlir hrang hrang te sawichhuakin, Commissioner &Secretary Pu KT.Beicho leh amah tawiawmtu Excise & Narcotics hotute hnenah an thil hriat duh  hrang hrang te an zawt bawk.

Vawiin inkawm hona programme hi lawmthu sawina in Pu L.Beirangia, Vice President MTP(H) in a khar ta a ni.