Vawiin khan mizoram legislative assembly subject Committee-III chuan Committee chairman pu R. Vanlalvena, MLA hoin kolasib District chhunga bukvannei khua a oil palm herna hmun an tlawh.

He hunah hian committee member te hi oil palm herna hmun enkawltu/nei tu Godreg Agrovet company unit head pu Debasish Nag, kolasib DAO PU J. Rothanga leh official dangten lo hruai kualin palm herna khawl hrang hrangte hnathawh dan tlangpui chu Pu Debasish Nag chuan a hrilhfiah a, hemi bakah hian  sub - III Committee member te leh Godreg Agrovet hotute chu an inkawm bawk a ni.

Inkawm hona ah hian palm herna hmuna harsatna an tawh tlangpui an tarlang a, chung zingah chuan palm herna hmun hian kum 1 ah oil palm fresh fruit bunch MT 12000 vel an beisei laiin chawhrualin MT 4000 vel chauh an hmuh thin thu an tarlang a, raw material supply a that zawk theih nan oil palm chu hlawm khat (compact) a chin tam deuh te rawtna a awm a, committee member te chuan oil palm chingtuten man man zawka an thar chhuah an hralh zel theihnan leh company tan pawh a loss awm loa an kal zel theih nan hmalak dan tur hrang hrangte an sawi bawk a, tun dinhmunah mizoram sawrkar chuan Agriculture Department kaltlangin  NEDP atangin Bukvannei a oil palm phur thlen nan oil palm kg 1 ah cheng 1 zel chu Godreg Agrovet company hnenah hian incentive (transportation) an pe mek a, hei hi oil palm chingtuten man man zawka an hralh theih nana oil palm phur man tih hniam na atana incentive a ni. Oil palm hi free fatty acid 5% ai a hniam a nih hian quality tha a ngaih ani a, hriak chi hnih paiin a pawn zawk hi ei theih (edible) niin a chhung lama hriak awm hi sahbawn leh thil dang (cosmetics) siam nana hman theih a ni.

He hmunah hian Subject Committee-III chairman pu R. Vanlalvena, MLA bakah , pu Lalrinmawia Ralte MLA, political Adviser to CM, pu K. Lalrinthanga MLA, PU Lalthanliana MLA leh Dr. B. D chakma MLA te an kal a, pu J. Lalzamliana Director Agriculture (CH) leh pi lalhmingmuani committee officer ten an tawiawm a ni.