Mizoram Sawrkar Flagship Programme, New Economic Development Policy (NEDP) hnuaia hmalakna pawimawh tak pakhat “Mizoram Kailawn 2018 Entrepreneurship Summit and Grand Finale” chu June ni 20, 2018 (Nilaini) chhun dar 12:00- ah Pachhunga University College Multipurpose Hall chhun dar 12 ah hman a ni ang. A, Mizoram Chief Minister Pu Lal Thanhawla leh Planning Minister Pu Lalsawta ten an telpui ang.
“Mizoram Kailawn 2018 Entrepreneurship Summit and Grand Finale” hi Mizoram State Entrepreneurship and Development Monitoring Committee (MEDMOC) leh Indian Institute of Management Calcutta Innovation Park (IIMCIP) tangkawpin an buatsaih a ni a. Mizoram Kailawn in a tum ber chu Mizo zinga entrepreneurs lo ni tawh leh nih tum mek te zawn chhuah a, hriatchian a tanpuina kawng buatsaih ani.
Entrepreneurship Summit ah hian Start Up Conclave (Fair) buatsaih ani ang a. Start Up Conclave (Fair) ah hian Mizoram a entrepreurship bultan tu (start up) leh IIMCIP te start up pho chuah a ni ang a. Bul tantu te eizawnna (business) kalpui tum dan leh suangtuah dan sawipui theih an ni ang.
He Summitah hian thupui pawimawh bik sawihona (panel discussion) a awm ang a, Dr. Laldinliana Varte, Expert Member MEDMOC, Pu Rinzuala, Expert Member MEDMOC, Pi Zomawii Hrahsel, Vasundhara Northeast Women Entrepreneur Award dawng tu, Rajeev Gupta, Founder President TiE Guwahati, leh Professor CD Mitra, IIM Calcutta Innovation Park ten thu an sawi ang.
Entrepreneurship Summit ah hian Mizoram Kailawn 2018 Business Plan (intihsiakna) lawmman dawngtu te puan anih bakah lawman sem a ni ang a. Mizoram a sumdawnna lam bul tan mek te, sumdawnna lam ngaihven te, leh Mizoram hmasawnna a tan a tui mi aduh apiang tan he Summit hi chhim theih ani ang.
