No.2548/2021-2022

Aizawl; the 8th October,2021: Vawiin chawhnu dar 2:00PM khan DRDA conference Hall-ah FAINA HAPTA-2021 kharna hun hman a ni a.Pu Kesavan R IAS, Siaha District Bawrhsap chuan khuallian niin programme a hmanpui.

Vawiin Cleanliness Week-2021 closing function hi Pu K.Beingiachhie,Sr LAO,MADC in a kaihruai a,Rev.Joseph Tlauhthang,Supdt.UPC,NEI in hunserh a hmang. Pi C.Lalngaihawmi,CO,NULM in Siaha diatrict-a Faina Hapta kan hmandan leh Cleanliness Week Celebration Committee in Faina Hapta chhunga a hmalakna report a pe a, Pu N.Vabeiratlua,DIPRO in Faina Hapta puala intihsiakna hrang hrang kalpui dan report a pe bawk.

Pu Kesavan chuan Faina Hapta kharna inkhawmah thu sawiin, Faina Hapta kan hman chhungin mimal, chhungkua, VC, tlawmngai pawl leh office ang te in Faina kawngah hma kan la nasa a, kan Siaha distrct pawh a fai sawt hle a ni. He Faina kawnga kan hmalakna hi Faina Hapta chhung chuah ni lova, kum tluana kan chhunzawm thei chuan Faina kawngah rahbi thar kan chuangkai ngei ang. Chutiang a tihtur chuan Siaha district mipui te kan ngen che u a, Kumin Faina Hapta puala Faina kawnga hma la tute Zawng zawng hnenah lawmthu ka sawi bawk a ni. Faina Hapta puala intihsaikna hrang hranga lawmman la tute ka lawm pui che u a,participant te chungah lawmthu ka sawi tak zet bawk a ni, a ti.

Pu Kesavan hian Faina Hapta puala intihsiakna-a lawmman la tute hnenah lawmman a sem nghal a ni.

Faina Hapta puala Chanchinbu, Faina kawnga mipuite zirtirna leh Faina lam hawi chanchin ziak tha ber thlanchhuah 3 te chu:

1st--Maraland Daily Newspaper a ni a, Certificate +Rs.3000/- hlan a ni.

2nd--ChhimAw daily Newspaper, Certificate+Rs.2000/- pek a ni.

3rd-- Kawl Eng daily newspaper, Certificate+ Rs.1000/- pek a ni.

Photography intihsiakna-a lawmman dawngtu te chu:

1st---Jacob Lalchhuansanga,New Siaha-I a ni a, Certificate +Rs.3000/- pek a ni.

2nd---Lalramdinthara,New Colony-IV, Certificate+Rs.2000/- pek a ni.

3rd---Stephen Lalruatkima, New Siaha West, Certificate+Rs.1000/- pek a ni.

One Minute Mobile Video Clip intihsiakna-a lawmman la tute chu:

1st---John Laldingliana,New Siaha a ni a, Certificate+ Rs.5000/- pek a ni.

2nd--- John Beizachhi Phuto,Siaha vaihpi,Certificate+Rs.3000/- pek a ni.

3rd---Jonathan Lalrualkhuma,New Siaha East-I, Certificate +Rs.2000/- pek a ni.

Faina Hapta kharna inkhawm hi Pi Lalnunmawii,DPO,NULM &SDO(S) in lawmthu Sawina in a khar ta a ni.