Vawiin chawhma dar 11:00AM khan DC's Conference Hall-ah FAINA HAPTA-2017 hmandan tur relin an thu khawm. Vawiin meeting hi District Bawrhsap Pi Harleen Kaur IAS in a kaihhruai a, sawmbik kalkhawm ten huangzau tak leh chipchiar takin kumin Faina Hapta hmandan tur an rel a ni.
Vawiin Faina Hapta hmandan tur hi UD&PA, Aizawl atanga Guidelines lo kal zulzuia rel a ni a.
Faina Hapta pual hian School, Office, biakin, Hotel, Veng/kawtthler, khua fai te thlan chhuah a ni dawn a. Essay inziah siak te, Debate leh Extempore Speech te pawh a remchan dan ang zela buatsaih tur a ni a. Faina lampanga mipui zirtirna kawnga chanchinbu thawhhlawk thlanna neih bawk tur a ni.
He Faina Hapta-2017 hawnna inkhawm hi ni 2/10/2017 a neih tur a ni a. Faina Hapta puala lawmman hrang hrang te sem nghal tur a ni.
Vawiin meeting hian office, School, BiakIn,mahni veng leh mahni In leh lo, kawtthler te tihfai theuh turin mipui te an ngen a.Mahni veng leh kawtthler te tihfai kawngah VC leh vengchhunga tlawmngai pawl lianber ten thawk ho se, tih te rel a ni.
Hei bakah hian Faina kawngah inelna District Headquarters te tan 1st Sept-20th Sept chhung hian UP&PA bultumin buatsaih tur a ni a. A endik hna pawh ruatbik mithiam ten an kalpui dawn a ni.
Lawmman atan
1st prize-Rs.1,00,000 + Certificate
2nd Prize-Rs.50,000 + Certificate
3rd Prize atan Rs.30,000+ Certificate te pek an ni ang.
He District Headquarters te faina kawnga inelna hi tehfung hrang hrang: 1) Open Defecation Free 2)Solid Waste Management 3)Information, Education and Communication 4)Community Participation 5)Drains 6) Public Feedback atang te a teh an ni ang.
