Vawiin zing dar 11:00Am khan BRC Hall, BDO Complex, Siahatlah-ah Mizoram State Rural Livelihood Mission (MzSRLM) hnuaia BMMU, Siaha RD Block te  buatsaihin Siaha RD Block huam chhunga Self Help Group (SHG) hrang hrang te hnenah Financial Inclusion Training hun hman a ni. He Training programme hi Pu Ngulzathuama, BDO chuan kaihruaiin, Shri Bhupesh Chaudhary IAS, Deputy Commissioner chuan khuallian niin he training hi a hawng.

Mizoram State Rural Livelihood Mission chuan  mirethei, leirem rap pha ve lohte khaichhuah a, an mahni kutkawi a ei an hmuh ve theina kawng kawhmuh a, a tulna leh pawimawhna lai a lo tanpui hi a thil tum lian tak pakhat a ni. MzSRLM, BMMU hi tahrik ni 22.08.2017 ah Siaha District-ah bul tan tawh niin, tun dinhmunah Siaha RD Block huam chhungah SHG Member 2116 lai awm tawhin. SHG member 80% te tan hian PMJJBY leh PMSBY Insurance Policy hnuaiah nuai 40 lai Mizoram Rural Bank, New Siaha Branch te hnen atangin siamsak tawh an ni a, Community Investment Funds pawh SHG member te chu Village Organisation kaltlangin nuai 72.6/- lai pek tlak tawh an ni. Financial year hmasa lamah  pawh khan Self Help Group 40 te hnenah Mizoram Rural Bank kaltlangin SHG pakhat atan nuai khat theuh Loan pek an lo ni tawh bawk. Self Help Group tinte chu bul an tanna tur a tan Start Up Fund Rs.2500/- theuh sem an lo ni tawh bawk a ni. Tin, SHG thla thum pumhlum tawh Grade-A emaw Grade-B ni tawhte chuan Revolving Fund Rs. 10,000/- atanga Rs. 15,000/- thleng an Group len dan a zirin an la thin a, he Revolving Fund a tan hian Rs.19.8 lakh lai sem chhuah tawh a ni bawk.

Vawiin Financial Inclusion Training programme-ah hian Siaha RD Block huam chhunga khaw hrang hrang Self Help Group member te leh Village Council Member te an tel kim hle a ni.

Attachment

  • Loading attachment...