S. Sabual leh S. Khawlek inkar kawng hi fair weather road a ni a. Chakkhai lakna atana harsatna a awm loh nan helai kawng hi a chhe zuallai Boulder phaha siam that a ni a. He kawng hi Motor full load-te'n an rah chhiat nasat avangin Lirthei kal thei chin bithliah tulin hriat a ni a.

Chuvangin, Pu Shashank Jaiswal, IPS, Superintendent of Police, Mamit District : Mamit chuan Motor Vehicle Act, 1988 ( Act 59 of 1988) Section 115 leh Mizoram Sawrkar Notification No. B.12021/19/94-TRF Dt.25.9.2007 - in thuneihna a pek angin leh chakkhai lakna kawngah harsatna a awm lohna turin S. Sabual leh S. Khawlek inkar kawngah hian Lirthei LMV leh a chunglamte tan full load chungin an kal khapna thupek a chhuah a. He khapna thupek hian mipui ei leh bar phur LMV full load leh a hnuailamte a huam lovang. He thupek hi helai chhehvel khuate tana harsatna lian tham tak a thlen lohna tur anih avangin thupek zawm theuh tura ngen kan ni.

He thupek chhuah hi Dt. 01.07.2019 (Thawhtanni) atanga Dt. 31.8.2019 (Inrinni) thleng a huam anga, hemi chungchanga thupek lo chhuah tawh No. SP/MMT/RO/72/2009/409 Dt.4.6.2019 chu he thupek hian a luahlan nghal bawk ang.