Vawiin chawhma dar 11:00Am khan MADC Forest Hall-ah District Level Fire Prevention Committee te buatsaihin Fire Prevention Week-2019 hawnna  programme hman a ni. Programme hi Pu Ngulzathuama,SDC in a kaihruai a, Pu F.Lawmkima, EM(Forest),MADC chuan khuallian niin programme hi a hmanpui  a ni.

Pu F.Lawmkima chuan thu sawiin  Kangmei ven hi  Forest Dept emaw Fire Dept emaw chauh ni lovin, kan za vaia mawhphurhna a ni.Kangmei ven kawngah Siaha District hi Mizoramah a titha ber pawl kan ni a, hei hi siaha district mipui te kangmei ven kawnga kan thawhho that vang a ni. Ramngaw leh a chhunga cheng nungcha te kan nuna an pawimawhzia hre rengin kangmei ven kawngah tan i la zual sauh ang u, tiin mipui kalkhawm te a sawm a ni.

Pu Thaly T.Azyu, CF,MADC in report peiin, 2018-2019 chhung hian Siaha District chhungah kangmei vawi 155 a chhuak a, Jhumland---364.1Ha leh Non-Jhumland---2.0Ha a kang chhia a ni. Ram tikangtu mi 6 hnena Forest Dept, MADC chuan FIR an file a, mi 10 aia tlem lo  pawisa  chawitir an ni bawk.

Pu Thaly Conservator of Forest chuan  Kum 4/5 kal ta atang khan DDK in Khawchin a rawn tarlanah hian Mizoram chhunga District khawpui te  zingah Siaha khawpui hi a Temparature hniamber zingah kan awm tawh, a hmaa sangber zinga awm thin kha tunah chuan Tlapi leh Chhatlâ area a ramngaw kan humhalh result a ni ngei ka ring a ni, a ti.  Kangmei ven Hapta kan hman chhunga kangmei ven kawnga  Chanchinbu ziak tha 3 hnenah  lawmman pek an nih tur thu pawh a sawilang bawk.Pu Thaly T.Azyu CF kaihhruainain mipui kalkhawm ten Kangmei ven Thutiam a rualin an chhiarchhuak bawk a ni.

Attachment

  • Loading attachment...