No.7512/2020-2021

Vawiin chhun (12:00 Noon) khan   "Kangmei tichhuak lo turin mitin i fimkhur ang u" ti thupui a hmangin Fire Prevention Week 2021 hawnna programme, Forest Conference Hall-ah hman a ni a. Pu Kesavan R,IAS, District Bawrhsap leh Chairman District Level Fire Prevention Committee nibawk chuan khuallian niin vawiin programme hi a hmanpui.

Pu Thaly T.Azyu. Conservator of Forests & Member Secretary, District Level Fire Prevention Committee  nibawk chuan programme a  kaihruai a,Rev.Z.Hrohmô, CCIM in hunserh a hmang.

Khuallian Pu Kesavan  chuan thu sawiin, Mizorama ka lo kal hma hian Puducherry ah post ka ni a. Hetianga Fire Prevention Week hmanna chang hi kan lo hre lo reng reng, Mizoramah erawh chuan Kumtin  urhsun taka hman a ni a. Kangmai laka fimkhur tulzia leh kangmei tihchhuak loh tura mitin fimkhur tulzia inhrilhhriat nan hun pawimawh tak a lo ni a. Hman chhunzawm zel chi a ni, a ti. Pu Kesavan chuan Ramkang leh kangmei chhuak ven hi Forest Department mawhphurhnaah chauh kan dah a ni chuan engtikah  mah kan  hlawhtling lovang, a chhan chu Ramkang leh Kangmei chhuak reng reng hi mihring atanga chhuak deuh vek a ni a, tihpalh vang leh  tihluih avanga chhuak a ni thin. Kan za vaia kangmei tihchhuak loh tura kan fimkhur a ngai a, a lo chhuak palh a ni pawhin, a thelh hna hi mitin mawhphurna a ni, tih hriata Sawkar leh NGO  kutah chauh mawhphurna  dah loh tur a ni, a ti.Pu Kesavan chuan sawi zawmin, mipui hian sawrkarin Lo leh Huan hal hun a bithliah te,meikawng sial dan tur chungchangah te  sawrkar thuchhuah hi kan zawm ngei ngei tur a ni. Hei hi kangmei laka kan ramngaw leh nungcha kan humhim nana rahbi pawimawh hmasa ber a ni, a ti bawk.