Vawiin chawhma dar 11:30AM khan MADC Forest Hall-ah Râh pakâ lei awpata moto a sohsi suh vy/ Ram tikang lo turin mitin i fimkhur ang u tih thupuia hmangin Fire Prevention Week hawnna inkhawm nei a ni.

Vawiin Fire Prevention Week hawnna inkhawm hi Pu Vanlalrova, Election Officer in a kaihruaia, Pu N.Zakhai CEM, MADC chu khuallian a ni.

Pu N.Zakhai chuan MADC Forest Dept Road site Plantation chuan  Mizoram-ah hriat a hlawh chho mek a.Kangmei lakah tun thleng hian a la him a ni, a chhan chu mipui ten awareness kan neih that tawh vang niin a lang, a ti. Thingtlang lamah pawh awareness nasa zawk kan pek a, Kangmei laka kan Ramngaw te kan humhalh lova, kangmei in kan ramngaw te a kan chhiat zel chuan tun atanga kum reilo te-ah kan Tuihna a  kangchat thuai dawn a ni tih te hrilhriat a. Tunah pawh kan ram sik leh sa nuam tak thin kha a bo tan mek a. A kum telin  Fur,Thal, Nipui leh Thlasik pawh a tawrhhlelawm  tulh tulh tawh a ni. India ram khawpui tam tak angin Ran leh mihring tan Boruak thianghlim  duh khawp hip tur a awm lo thuai mai dawn a ni, ti te uar taka kan sawi darh zel a ngai tawh tak zet a ni, a ti.

Pu F.Lawmkima EM(Forest), MADC pawhin thu sawiin, Isua lo kal leh hma lo chuan Siaha District hi kan District a ni reng dawn, nang leh kei bak hi hmangaihtu tur dang an awm chuang lo. Ram ti kang lo la, vengtu-ah tang zawk la; Siaha District khua keh tui tha ni chhunzawm zel tum ang che, tiin mipui kalkhawm te a sawm bawk.

Pu Thaly T.Azyu. DFC(H), MADC chuan District Level Fire Crisis Management Committee, Siaha hmalakna leh hmachhawp te tarlangin report kimchang tak a pe bawk.