Vawiin chhun dar 12:00(noon)  khan DHO office Siaha chuan MIDH fund hmangin   DRDA Conference Hall-ah ni 2 awhtur 11th Flower Exhibition Cum Fair hawnna hun hman a ni.

Vawiin Exhibition cum Fair hawnna inkhawm  hi Pu C.H. Lalmuanpuia, DHO, Siaha chuan kaihruaiin, Pu KH. Beihlô, EM i/c Agri&Horti, MADC chu khuallian  a ni.

Khuallian KH. Beihlô chuan  hetianga DHO office in Flower exhii -Cum- Fair kumtina an buatsaih thin chu  lawmawm a ti thu sawiin, Flower exhibition cum Fair hi Siaha district a Florist ten an hlawkpui  hle a ahriatthu  sawiin, Siaha district    mipui mimir pawhin  pangpar fresh hlutna chang leh ngaihsanna chang ka hriatphah hle tawh a a ni, a ti.   Pangpar fresh market hi Siaha district-ah pawh a tha hle tawh a,Florist tam tak chuan an pangpar  atangin sum pawh an hailut nasa hle  tawh a ni, a ti bawk.

Pangpar inentirsiakna a endiktu Mizoram Florist Association ten uluk taka pangpar category hrang hrang an endik hnuin, a pumpuia tih thaber chu Pi K. Lalfamkimi, New Colony-II a ni a, pangpar category 6 (paruk) ah 1st prize lawmman a dawng a, category 4-ah 2nd prize dawng lehin, 3rd prize lawmman pakhat bakah consolation prize lawmman pahnih a dawng tel bawk a ni.

 He Exhibition a lawmman pakhatna hian tangkaifai 2000/- leh Citation a keng tel a, pahihna in tangkafai 1500/- + citation, pathumna in 1000/- + citation bakah consolation prize dawng te hnenah tangkafai 500/- theuh pek an ni bawk dawn a ni. Vawiin Flower exhibition cum Fair-ah hian florist 27 ten an pangpar te phochhuakin, pangpar bakah Pot Plant chi hrang hrang 19 pholan tel a ni.

He 11th Flower Exhibition cum Fair hian naktuk tahrik ni 11.5.2018 thleng a awh ang.