Vawiin chawhnu dar 1:00Pm khan Pu James Lalnunmawia, Additional Deputy Commissioner hovin Siaha District a Head of Office te leh Tlawmngai pawl hrang hrang hruaitute chuan kumin Green Mizoram Day hman dan tur relin an thukhawm.

Green Mizoram Day hi Siaha District-ah chuan tahrik Ni 11.6.2018 chawhma dar 7:00Am-ah District Playground-ah a hawnna programme hman nise, khuallian atan Pu FC. Lawmkima, EM Forest, MADC chu sawm nise tiin vawiin meeting chuan a rel.

 Department tinin an mahni ram chhungah Thingtiak phun theuh se, Department thingtiak phunna tur ram neih remchang lohte chuan NGOs te rualin Siahatlah a Court ram leh hmun thlanbikah te phun ve mai se tih a rel a ni bawk.

School atangin Adventist English Academy te chu thlan niin, an school hnaivai a Tuikhur hnarah te lo phun ve rawh se tiin meeting chuan a rel bawk.

Vawiin meeting-ah hian Siaha District chhunga Head of Office te leh Tlawmngai Pawl hrang hrang hruaitute an tel kim hle a ni.