Vawiin chawhma dar 11:00Am khan  DC Conference Hall-ah kan hma lawka India Independence Day vawi 72-na lawm dan tur relin, Independence Day celebration committee te an thu khawm. He meeting hi District Bawrhsap Pi Harleen Kaur IAS in kaihhruaina hnuaia neih a ni.

Vawiin meeting hian Kum danga lo tih thin dan angin, Khuallian tur chu  Mizoram Sawrkar GAD kutah a dah a,  rokhawlhna eng emaw a awm chuan Khuallian ruat  chungchanga mawhphurhna  chu DC office kuta  dah a ni.

Independence Day,2018 hi  District Playground-ah  hman leh tur a ni a.

Zing 6:00Am ah National Flag te a tarna hmun turaah tar vek tur a ni a. 9:30Am ah mipui ten District Playground an thleng kim  ang. Zing lam 10:15 Am-ah  Khuallian in Playground a thleng ang. 11:30 Am ah Independence Day puala lawmman khuallian in a sem ang.  CEM, MADC in sawm bik te tan Tlai lam 1:00Am-ah CEM Bungalow kawtah  'At Home'  a buatsaih ang.

Kumin National Anthem zai turin New Colony High School ruat an ni a. Parade Contingents tur hi Uniform atangin 6 leh School atangin 12 beisei an ni. Independence Day, 2018 pual hian Football leh Volleyball Tournament buatsaih a ni bawk ang.

Kum danga lo tih thin dan angin, Independence Day pualin, Thilpek hengah te hian semchhuah a ni leh ang:  Damdawi In 2, District Jail, Hnuchham In-3 leh Piangphung rualban lo enkawlna In-1.

Parade Rehearsal hi August ni 6 atanga tan tur a rel a ni. Dept tin ten Independence Day Celebration Fund an thawhkhawm leh ang.

Bawrhsap Pi Harleen Kaur  chuan Department tin ten kan mawhphurhna leh chanvo hrang hrang te tha taka kan hlenchhuah thei nan duhsak ka hlan che u a. Mahni staff te theuh kokim taka Independence Day lawmnaah tel vek tura thuchhuah siam turin Head of Office te ka ngen bawk a che u, a ti.