Vawiin chawhnu dar 12:30Pm khan International Disaster Reduction Day pualin Siaha-ah lirnghing avanga chhiatrupna a lo thlen thulha chet lak dan a taka inkawh hmuhna Mock Drill neih a ni. He hun hi Deputy Commissioner leh Siaha District chhunga mi pawimawh hrang hrangte’n an hmanpui bawk.

Lirnghing hi 7.5 Magnitude-a na angin thlentir a ni a, Siaha khawpui chhung hmun pawimawh zual pali ah lemchan hi entir a ni. Deputy Commissioner Office, DRDA Office, Government High School leh Siaha Vaihpi ah te chhiatna liamtham hi thlen tir a ni.

He hunah hian Veng chhunga mipui leh tlawmngai pawlte an tel a, dan kengkawhtute leh thuneitu hrang hrangte pawh an tel bawk a ni. Police leh Adventure Club lamin chhanchhuah hna an thawk a, damdawi In a thawktute’n hliam enkawl leh mitthi lem a change sawngbawl hna an thawk bawk.

Vawiin lemchan entir zawh hian Smt. Harleen Kaur IAS, Deputy Commissioner, Siaha hovin a Office Chamber-ah chanvo hrang hrang mawhphurna changtuten an chet dan thlirletna hun an neih bakah hmasawnna tur tam tak an hmuh thu te sawiin, duhthusam loh lai leh siam rem ngai ni a an hriatte pawh an tarlang bawk.