4872/2025-2026  

Dated Siaha, the 17 March, 2026: Vawiin chawhma dar 11:30AM khân MADC Golden Jubilee Hall, Council Vaih, Siahaah International Women's Day lawmna hun hman a ni a, Siaha khawpui chhunga MCHP General Headquarters aiawh, MHIP aiawh, LWA leh MSO Headquarters aiawh bakah Anganwadi Worker-te an tel.

Pi Hepaw Hlychho, CDPO, Siaha chuan inlawmna thu sawiin, Hmeichhiate ni hi March ni 8 a ni a, Sunday anih avangin remchan zawkna avangin vawiinah hun hman a ni, a ti. Kumin thupui chu 'Rights, Justice, Action for all womens and girls anih thu leh International Women's day pual hian 'Pêkin Lukhawng a nei' (give to Gain) tih kalpui niin mi inphalte thehkhawm thuamhnaw, naupang läwm (toys) leh lehkhabu chu Grace baby home, College vaih, Siaha leh District Hospital, Siaha naupang ward-ah pek a nih thu CDPO hian a sawi.

Pi LS Lalbiakzuali, DSWO Siaha chuan Hmeichhiate dinhmun chawikan a nih theih nâna International Women's Day hman a ni chu lawmawm a tih thu sawiin, 'Chhungkua, kohhran, khawtlâng tifamkimtu chu hmeichhiate hi kan ni a, indah hniam tur kan ni lo. Mipa aiin hmeichhiate hian mi dang khawngaih theihna te, an dinhmuna inchan thiamna leh hriatthiamna kan ngah bîk, a ti. Mahni dikna chanvo hretu ni ringawt lo va, tih tur leh tih loh tur hretu ni tûrin kal khawmte chu a chah a, mahni chhungkua aia dah pawimawh nei lo ila kan tifuh fo a ti bawk. Anganwadi Worker te hnathawh sawrkarin an hriatpui thu DSWO chuan sawiin, 'Anganwadi Centre-a thawktute kal tlânga hnathawh tur inpek hian an ti ṭha ṭhin a, mi dangte kova dah aiin an rintlak zawk a ni' a ti.

Pi Lynn H. Ngohei, Secretary, KHP Hqrs, ECM, DCPO aiawh, OSC leh Shakti Sadan thawktute aṭangin thusawi ngaithlak a ni a, International Women's Day pual hian 'Empowering women, Empowering Society' tih thupui hmangin school naupangte tan essay inziahsiak a ni a, lawmman dawngtute chu:-

1. Zipor M. Marapawngia.

2. Florence B. Byhnazi.

3. Beithathipa

4. Zorammawii (Consolation)

5. Sabina V. Khaingiarili (Consolation)

District Hub for Empowerment of Women (DHEW), Women & Child Development, Siaha buatsaih vawiin hun hman hi Pu Kennedy H. Vanlalchunga, Accountant, DHEW in a kaihruai a, Pi B. Zisia, District Mission Coordinator, DHEW-in lawmthu sawina a nei a, hun hman tih tawp a ni.