1331/2022-2023

Siaha, July ni 22: Krishi Vighyan Kendra (KVK) Siaha te bultumin Jal Shakti Abhiyan hnuaiah tui renchem dan leh tui pawimawhna training neih niin, he hun hi Dr.H.Vanlalhmuliana , Senior Scientist and Head , KVK Siaha chuan a kaihruai a, training an  pek chhan te sawiin loneituten tangkai taka an training pek te hmang turin fuihna thu a sawi bawk a ni.

Pi J.Vanlalhluzuali , SMS (Agril.Extension) leh Pi S.Sisi SMS (Horticulture)ten power point hmangin zirtirna an pe bawk.

He training hi Chhaolo Farming Society leh Town chhung a thlan bik farmer te hnenah hlawk taka Tomato chin dan leh a enkawl dan zirtir an ni a. Tui ren tak chunga thlai thar dan leh ruahtui lo khawl pawimawhna leh a khawl dan te in zirtirin, loneitu te nen inkawmhona nei nghal a ni a. Loneituten an huan thlai enkawlna kawng hrang hranga harsatna an neih te sawihona leh a enkawldan in zirtirna hun neih nghal a ni bawk.

 Vawiin training a tel zawng zawngte hnenah  Thlai chi hrang hrang an sem nghal bawk.

Vawiin hun hman hi Dr.Lalzaidami, SMS (Animal Science) in lawmthusawina in a khar ta a ni.


Attachment

  • Loading attachment...