Siaha  District Co-ordination committee,Jal Shakti Abhiyan leh Advisory Committee on School Safety bultumin nimin August ni 5  leh vawiin ni 6 hian  Siaha khawpui chhunga sikul hrang hrangah kangmei laka naupangte himna chungchang leh Jal Shakti Abhiyan chungchangah zirtirna pek a ni.

Fire & Emergency Services Department, Siaha-a thawktute'n zirtirna  pein, fire extinguisher hman dan te a lem nen entirin an zirtir bawk.

Kangmei chungchang bakah hian chhiatrupna lo thlen thulha in?anpui dan tur hrang hrangte inkawh hmuh a ni bawk.

Kangmei laka himna zirlai naupangte hnena zirtirna pek rual hian  Siaha district in tui a lo hnianghnar zawkna tura beihpui thlak mek, JAL SHAKTI ABHIYAN hnuaia hmalakna chikhat atan  Siaha  District coordination committee, Jal Shakti Abhiyan official te chuan JSA thiltum leh hmalak dan tur te, tuihna humhalh dan te, ruahtui khawl dan te leh tui rencham tulzia te  zirlai naupangte hnenah zirtirna an pe bawk a ni.