Vawiin khan kum 2019-2020 chhunga B.Ed. Special Education zirturte lakluhna hun (Induction Programme) chu SCERT Director Pi Laldawngliani Chawngthu hovin tluang taka neih a ni.

Pi D. Ramdinthangi, Joint Director chuan he lakluhna inkhawm hi kaihruaiin Pi Vanlaldiki Sailo, Deputy Director leh Course Coordinator ni bawk chuan Course tlangpui sawifiahna hun a hmang a, Khuallian SCERT Director chuan Zirlai naupang tharte fuihna thu sawiin zirtirtu nih ropuina leh vohbik naupangte enkawl thei tura B.Ed. Special Education zirna pawimawh bik zia te a sawi a, zirlai te chu an thinlung taka rualbanlo naupang te zirtirtu ni thei tura inpekna nei turin a fuih a ni.

Kumin Session tharah hian Visual Impairment leh Hearing Impairment seat 30 ve ve awm chu hnawhkhah thap a ni a. Hetih lai hian Visual Impairment course zirtu mi 30 leh Hearing Impairment course zirtu mi 29 te chuan tha takin 1st year B.Ed. Special education an passed a, Director Pi Laldawngliani Chawngthu in Certificate a hlan a ni.

SCERT hnuaiah hian rualbanlo enkawlna Special Education Cell hi kum 1995 khan din a ni a, kum 2005 khan NeHU hnuaiah Distance Education Programme neih tan niin Kum 2018 atangin B.Ed. Special Education Regular Class hi SCERT ah hian neih tan a ni. B.Ed.Special Education zirna hi India ram pumah SCERT Mizoram hi a nei awm chhun an ni.