No.3766/2020-2021

Siaha, August 4 : Vawiin chawhma dar 11:00Am khan DC's Conference Room-ah Siaha District Disaster Management Authority buatsaihin Earthquake Training for First Responders within Siaha town tih thupui hmangin training buatsaih a ni. He hun hi Pu N. Lalzarzova, SDC & Nodal Officer, DM&R, Siaha chuan a kaihruai a ni.

Vawiin training na a khuallian Pu Bhupesh Chaudhary chuan thu sawiin, tunhnai te a Mizoram a lirnghing thawm te kan hria a, he lirnghing hian engtik niah emaw chuan kan district hi a la thleng ve dawn a, chiai mai loh leh buai map lova kan lo hmachhawn dan turte kan lo inzir lawk a, kan lo inbuatsaih thiam te pawh a ngai tawh hle a, a pawimawh em em bawk a ni, a ti. Vawiin nia he training rawn chhimtu MTP, MSO leh M.CH.P hruaitute hi in pawimawh hle a, in branch leh member te hnenah zirtirna hi uar lehzual a lo pe chhawng zel turin ka chah duh che u a ni tiin, an lo inbuatsaih ve nan tangkafai MTP leh M.CH.P te hnenah cheng 30000/- ve ve a pe a, MSO te hnenah pawh cheng 20000/- a pe bawk a ni.

Pu VL. Zuithanga, District Organiser, DM&R, Siaha chuan Preparedness Measures for Earthquake tih thupui hmang Power Point Presentation kaltlangin zirtirna hun a hmang a, Pu K. Chatlaisa Hlychho, Leader, Beinô Youth Adventure Club, Siaha pawhin Basic Search & Rescue tih thupui hmangin zirtirna hun a hmang ve bawk a ni.

Vawiin Lirnghing laka inbuatsaihna training programme ah hian MTP Gen. Hqrs a hruaitute, M.CH.P. Gen. Hqrs a hruaitute bakah M.S.O Gen. Hqrs hruaitute an tel kim hle a ni.