4923/2025-2026

Dated Siaha, the 19 March, 2026: Vawiin chawhma dar 11:00AM khan MADC Forest Hall, Council Vaih, Siahaah Livestock insurance khuhhawnna hun hman a ni a, Siaha district chhung khaw hrang hranga ran vulhtu mimal leh society hruaitu kal khawmte Livestock insurance chungchang hrilhhriatna neih nghal a ni.

Hun hman hi Dr. H. Lalzarliana, District AH & Vety. Officer, Siaha district-in a kaihruai a, Mizoramin bung thar a kaina tur hun pawimawh tak hmang tura kal khawmte chu lawmthu hrilhin, rante hi mi kut tawrh vangte, khuarel chhiatna leh hri avangin an thi fo a, chutianga chhiatna tawh palh hlauh anih pawha kut benga kan awm loh nan leh eng emaw zat zangnadawmna kan hmuh theih nan sawrkarin ruahmanna ṭha tak a siam chu ran vulhtu a tam thei ang berin chhawr se a duh thu sawiin, nikuma vawk hri (ASF) lêng vang khan Siaha district chhungah vawk nuai 800 man chuang thi leh suat anih thu Dr. H. Lalzarliana hian a sawi bawk.

Pu HZ Lalremtluanga, National Insurance Company Limited aiawh chuan Livestock Insurance inkaihhruaina leh kalpui dan tur a sawi zau a, Insurance kan tih reng rengin zaa za (100%) hmuh let theih a ni lo va, hri lenna hmuna sawrkarin a puan meka chengte tan insurance a tih theih loh bawk; chutih rualin Mizo mipuite hmakhua ngaia Mizoram sawrkar leh National Insurance Company Limited-in thawhhona thuthlung a ziak hi thil lawmawm tak a ni, a tam thei ang berin chhawr se a duh thu a sawi bawk.

Ran insurance inkaihhruaina tlangpui chu:-

I. INSURANCE ATANA DOCUMENT NGAITE:

a) Proposal Form

b) Vaccination Certificate

c) Geo Tagged photograph with date – 4 (Ear Tag No lang leh a ran chiang taka langin)

d) Soundness Certificate

e) Beneficiary Aadhaar Card/PAN Card/Voter ID

f) MNREGA Card / Ration Card

II. INSURANCE ATAN DOCUMENT THEHLUHNA TURTE:

A. Aizawl & Mamit District – Pi Lalhriatpuii (9147400133)

B. Kolasib District – Pi Lalrinmawii (9612626800)

C. Serchhip & Hnahthial District – Pi Lalmalsawmi (9147400511)

D. Saitual, Khawzawl leh Champhai District – Pi Angela Lalparmawii (8131959935)

E. Lawngtlai, Siaha leh Lunglei District – Pu Israel K Lalawmpuia (8794723988)

III. CLAIM CHUNGCHANG

i. INSURANCE CLAIM DAN: Natna avang emaw accident avanga ran a thi anih chuan darkar 24 chhungin emaw office kal ni (working day) hmasa berah Insurance Office hriattir tur a ni; document leh tul dang thehluh ngai te chu:

1. Claim Form

2. Death Certificate

3. Ear Tag (Ear Tag hi thehluh loh chuan claim a theihloh)

4. Post Mortem report

5. Vaccination certificate

6. Ran thlalak (A awm teh a, a len zawng lanna – Inches in leh EAR Tag chiang taka langin) - Geo Tagged thlalak pali tal date langin.

7. Bank Account Details (Passbook Front page copy emaw Cheque)

8. Insurance policy copy

ii. INSURANCE IN A HUAM CHIN: Natna avang emaw accident avanga ran thi (Death) tan zangnadawmna a hmuh theih ang.

iii. INSURANCE IN A HUAM LOHTE:

1. Claim atan document tarlante a kim lohin.

2. Raicheh a ran thi.

3. Ran bo.

4. Ran insualtir avanga thi.

5. Vaccination certificate hi ran thih laiin a nung (valid) ngei tur a ni.

6. Ran a thih aṭanga ni thum (3 working days) chhunga insurance office te hriattir a nih loh chuan insurance claim/ pek theih a ni lo ang.

7. Waiting period - Insurance a nun ni aṭangin ni 21 chhunga natna avanga ran thi chu a huam lo.

8. Transit coverage – Ran phurh kual laia a thihin a huam lo ang.

IV. RAN A THIH HUNA HRIATTIRNA TUR:

Ran a thi anih chuan heng a hnuai a number tarlanah hian hriattir nghal tur a ni.
Aizawl, Mamit, Kolasib, Serchhip, Hnahthial, Saitual, Khawzawl leh Champhai District

1. Pi Lalhriatpuii: 9147400133

2. Pi Lalmalsawmi: 9147400511

Lunglei, Lawngtlai leh Siaha District tan

1. Pu Israel K Lalawmpuia: 8794723988

Insurance Company in ṭul a tih chuan claim endik turin Investigator a tir ṭhin ang.

V. ELIGIBILITY OF NLM SUBSIDY:

NLM Scheme hnuaia subsidy a chhungkaw khat (Household) tana ran insurance bithliah zat chu:

1. VAWK (PIG) – 50 nos

2. BAWNG/ SIAL (CATTLE/MITHUN) – 10 nos

3. BERAM/KEL (SHEEP/GOAT) – 100 nos
Chhungkua hi MNREGA Household anga lak tur a ni a, MNREGA ni lo tan chuan Ration Card hman a ni ang.

VI. SUM INSURED:

NLM Scheme a ran hlutna te chu hetiang hi a ni.

1. VAWK (PIG) – ₹30,000

2. BAWNG/ SIAL (CATTLE/MITHUN) – ₹60,000

3. BERAM/KEL (SHEEP/GOAT) – ₹7,000

VII. INSURANCE PREMIUM:

NLM Scheme hnuaia ran insurance man, kum khatah Ran pakhat tana pawisa sen ngai zat leh sawrkar tum zat:

1. Bawng/Sial: Total ₹3,894 (India sawrkar tum: ₹2,979, Mizoram Sawrkar tum: ₹331, Ran neitu pek tur zat: ₹584)

2. Vawk: Total ₹1,947 (India sawrkar tum: ₹1,490, Mizoram Sawrkar tum: ₹165, Ran neitu pek tur zat: ₹292)

3. Kel/Beram: Total ₹454 (India sawrkar tum: ₹348, Mizoram Sawrkar tum: ₹39, Ran neitu pek tur zat: ₹67)

(Bana kaih scheme beneficiary share chu Mizoram sawrkarin a chawi sak ang.)

VIII. INSURANCE CLAIM AṬANGA HMUHTHEIH ZAT: Ran vulh awm/dar (girt size) len zawng azirin pawisa hmuhlet theih hi a danglam.

Vawiin hun hmanah hian Mizoram sawrkar AH&Vety department, MADC-a Vety Department, MzSRLM aiawh bakah ran vulhtu leh ran vulh society hruaitute an tel a, zawhna leh chhanna bakah sawihona hun hman a ni. Dr. Benson Chhakchhuak, VO, District Vety Hospital, Siaha-in lawmthu sawina a nei a, hun hman tihtawp a ni. Hun hman zawh hian AH&Vety department Siaha district-a thawktute tan Livestock Insurance chungchang zirhona neih chhunzawm a ni.