2866/2022-2023
Siaha; the 30th November,2022: Vawiin chawhma dar 11:00Am khan Siaha District Bawrhsap Pu Lalsangliana, Office Chamber-ah LPG(Cooking Gas) sem (Home delivery system) dan tur leh a kaihhnawih thil pawimawh te relin concern dept. leh sawmbik te an thukhawm.

Naktuk December tahrik ni 1 atang khian Home Delivery system a LPG(Cooking Gas) hi sem tan tawh tur a ni a.A pilot project atan Siaha Town chhunga veng 2: *New Siaha East-I leh ECM Vaih*-ah te kalpui tan a ni ang. One Line a booking hi tih tawh tur a ni a, ni 21 kar dan a booking hi tih theih a ni ang. Booking atanga darkar 72 chhungin MIZOFED lam hian an customer te hnenah an deliver ve ngei bawk tur a ni.

He pilot project hi tluang tak leh tha taka kalpui a nih theih nan Bawrhsap Pu Lalsangliana chuan New Siaha East-1 leh ECM Vaih khawtlang hruaitute meeting an lo nei pui hlawm tawh a ni. Pilot project atan hian Home Delivery kalpui awlsam deuhna tur leh harsat deuhna tura rin veng te thlanchhuah an ni a. Veng dangah pawh a tahtawla kalpui chho zel tum a ni. New Siaha East-I leh ECM Vaih-a consumer te hian Show Room price(1188) + Delivery charge( Rs.70)= Rs.1258 /- chawiin an kawtkaih-ah ngei Gas hi an dawng tawh dawn a ni.

Vawiin Meeting-ah hian concern dept. te bakah Siaha district Consumer Protection Union, MTP(Gen.Hqrs), Joint VC leh New Siaha East-I & ECM Vaih VC aiawh te an tel a ni.