637/2025-2026

Dated Siaha 16^th May, 2025: Vawiin chawhma dar 11 khan Pu VL Hruaizela Khiangte, District Election Officer leh Siaha District Bawrhsap ni bawk chuan DC Mini Conference Hall-ah Mara Autonomous District Council hnuaia Village Council 13 By-Election-a hman tura duan final electoral roll chu a tlangzarh. Vawiina tlangzarh tak hi 1^st April, 2025 qualifying date behchhan a ni.

District Election Officer Pu VL Hruaizela Khiangte chuan final electoral roll tlangzarhna hun hmang tura political party hrang hrang aiawh an kal thei chu lawmthu hrilhin, inthun leh inpaih theih hun hawn lai ngaihsak chhunzawma dik leh ṭha taka tizel turin a chah a. India khua leh tui dik tak chauhin vote an neih hi kan hnam dinchhuahna tur kawng pawimawh tak anih thu sawiin, final electoral roll tlangzarh anih theih nana thawktute zawng zawng chungah lawmthu a sawi bawk.

Pu VL. Hruaizela Khiangte chuan Election Commission of India hian roll ennawn anihin a punna sang lutuk emaw paih tam lutuk emaw a awm chuan rinhlelhna leh dikhlel deuh nia ngaihna an nei ṭhin a, tun ṭumah erawh chuan dik taka engkim tih niin a lang a, a ngaihṭhatthlak hle a ni a ti.

Village Council 13-a By-Election-a hman tur electoral roll tlangzarh takah hian khaw 13 aṭangin mipa vote nei 3285 leh hmeichhia vote nei 3637, vote nei zawng zawng 6922 awmin a punna chu 102 (1.50%) niin, chhungkhua 2008 an ni.

Mara Autonomous District Council hnuaia Village Council 13-a By-Election neihna tur khuate chu:-

Vawiina draft electoral roll tlangzarhah hian election branch-Siahaa thawktute bakah ERO/AERO leh Political Party aiawh an tel a, Pu VL Hruaizela Khiangte, DEO chuan political party aiawh kalte hnenah copy khat ṭheuh a hlan nghal a ni.