2743/2024-2025

Siaha the 29th October 2024: Labour, Employment, Skill Development & Entrepreneurship (LESDE) Department bultumin Siaha District-a Assembly Constituency pahnih atanga khaw thlan chhuah 10-ah Mizoram Building & Other Construction Workers Welfare Board (MBOCWWB), member inziak lutte tana hamthatna dawn theih chungchang leh member nih theih dan inhrilhhriatna ‘Awareness Cum Registration Campaign’ chu Pu Reuben T Kompa, LESO hova neih mek a ni.

LESDE Department hnuaia MBOCWWB bakah scheme hrang hrang hamthatna awmte mipuiin zau zawka an hriat theih nan Sawrkarin October- November 2024 chhunga Mizoram chhunga khua 200 a kalpui hman tura a tih angin Siaha District-ah pawh he awareness campaign hi neih tura ruahman a ni a, 39-Saiha leh 40-Palak Assembly Constituency atangin khua/veng Panga (5) theuh thlan chhuah niin heng khua/vengah te hian Awareness Cum Registration Campaign hi kalpui tur a ni . He campaign hi vawiin ni 29/10/2024 hian Tisopi khua atanga tan a ni a. Hemi rual hian PM - SYM leh ESHRAM Awareness neih nghal zel bawk a ni.

Siaha District chhunga ‘MBOCWWB Awareness Cum Registration Campaign’ neihna tura khaw thlan chhuahte leh schedule chu a hnuaia tarlan ang hi a ni:

39-Saiha (ST) Assembly Constituency :-
1) 29/10/2024 - Tisopi
2) 30/10/2024 - College Vaih
3) 1/11/2024 - New Siaha West
4) 4/11/2024 - No-aotlah
5) 5/11/2024 - Meisavaih

40-Palak (ST) Assembly Constituency:-
1) 6/11/2024 - Amobyu
2) 7/11/2024 - Tipa
3) 8/11/2024 - Zyhno
4) 11/11/2024 - Vahia
5) 12/11/2024 – Chapi te an ni.

Inspection Cum Awareness Campaign hi August 2022- September 2022 khan neih niin heng Khua/Veng 19 ah te hian lo kalpui tawh a ni bawk.

Khaw pawn :-
1. No-aotlah
2. Chhaolo
3. Saikao
4. Saikao B
5. Siata
6. Chakhei
7. Zyhno
8. Kiasie
9. Phura
10. Amotlah

Khaw Chhung :-
1. Siahatlah
2. New Siaha
3. College Vaih
4. New colony
5. Council Vaih
6. ECM Vaih
7. Siaha Vaihpi
8. Meisavaih
9. Meisatlah

Inspection Cum Awareness Campaign hi VC leh MTP te nena thawhhonaa neih a ni.

Insak leh a kaihhnawih hrang hranga inhlawhfa, Kum 18-60 chin tan Mizoram Building & Other Construction Workers Welfare Board hnuaiah a inziahluh theih reng a. MBOCWWB Memberte tana hamthatna awmte chu:

1) Hnathawhna hmuna boral inralna atan: Rs 3,00,000/-
2) Member boral inralna atan : Rs 1,00,000/-
3) Invuina senso atan Rs 5,000/- pek theih a ni.
4) Nupui / Pasal neih lawmpuina atan Rs 10,000/-
5) Nau neih lawmpuina atan Rs 10,000/-.
6) Damdawiin awm tanpuina atan ni khatah Rs 1,000/- kum khatah ni 50 chin.
7) Natna khirhkhan tuarte tanpuina atan Rs 1,00,000/- (One Time Payment).
8) Kum 3 member ni chin tan kum 60 an tlinin Welfare Pension thla tin Rs 1,000/-
9) Hnathawk theilo ramtuileilo a awm tan Disability Pension thla tin Rs 1,000/-
10) Tawhsual tawh avanga hna thawk theilo a awm, Disability Certificate nei tan Disability Benefit Rs 1,00,000 (One Time Payment) thleng dawn theih a ni.

11) Children's Educational Assistance: Kum khat aia tam lo inziaklut tawh member fate pahnih chin tan kumtin vawi khat ve ve lehkha zirna senso tanpuina pek an ni a. Tin, Board Exam-a Top 10 a lang chin tan Cash Award Rs 50,000/- pek an ni. Chu mai bakah, Distinction a pass chin tan Rs 20,000/- pek an ni bawk.

12) Member leh an fate tan thiamthil (Skill Development) Welfare Board a in empanelled Training Provider-te hnuaiah Course chi hrang hrang zir theih reng a ni.