1308/2026-2027 

Siaha, 6th July 2026 : Mizoram hmun dang rualin vawiin khan MADC Golden Jubilee Hall, MADC Conplex, Council Vaih, Siaha ah Mizo Hmeichhe Insuihkhawm Pawl dinchamphaphak vawi 52na chu hlim takin awmni khama hman a ni.

Siaha MHIP Sub-HQ President Pi H. Lalawii kaihruaina hnuaia MHIP Day lawmna ah hian MADC-a Member of District Council (MDC) Pu ST Vanmalsawmliana chuan Khuallian niin a hmanpuia, MHIP motto 'Mite Ṭanpui' anih angin midangte tanpui chu mitin tih makmawh ani ati a, kalkhawmte chu midang tana malsawmna ni turin a chah a ni.

Khuallian chuan Nu te chu inchhungkhur enkawl kawnga an pawimawh thu sawiin ram leh hnam dinchhuahna tur kawnga an hlu takzet a ti a. Mizo te chu hnam tlem te an nih thusawiin, fa neih tam inzirtir kawnga tan lak a pawimawh thu sawiin chhungkua leh ram tan hnathawk a tan la zual sauh sauh turin kalkhawmte a sawm nghal bawk.

Khual Zahawm District Social Welfare Officer Pi LS Lalbiakzuali pawhin thu sawiin hmeichhiate chu chhungkua leh khawtlang ah mipa nen mawhphurhna hran an nei tih sawiiin inchhungkhur enkawl felfai chu Nu mawhphurhna ah tam tak a innghat tih a sawi bawk.

Hun hmannah hian Law&Judicial, LESDE, Women and Child Development, YMA sub-Hq, Mara Chano Py Hq, leh Lai Women Association Sub-Hq aiawha kal ten thu an sawi a, heng bakah hian malzai, zaipawl leh lam leh programme hrang hrang nen hun hlimawm tak hman a ni.