Vawiin chawhma dar 10:00Am khan Siaha District hnuaia  VC ten My Project, My NEDP- Mipui mamawh Intawm Ruahhmanna(MiMIR) Project  Siam inelna a top 20 ten  Project concept paper presentation Siaha District MiMIR Committee  hmaah an nei. He presentation leh screening  hi Pi Harleen Kaur IAS, District MiMIR Committee chairman leh  District Bawrhsap ni bawk chuan a kaihruai a ni.

Siaha District hnuaiah MiMIR Project siam inelna-ah hian  VC 49 ten MiMIR Project Concept Paper an thehlut a. Mizoram District zingah chuan Aizawl District tiam lovin Siaha District chu MiMIR Project siam tamna ber a ni.

My Project My NEDP -MiMIR Project siam elnaa top 20 te zingah hian Siaha Khawpui chhung atangin VC 7 an tel a, VC 13 te chu Siaha khawpui pawnlam   VC te an ni.

Siaha District hnuaia MiMIR Project inelna result hi District MiMIR Committee ten uluk taka an thlitfim hunah puan a ni ang.