Vawiin chawhnu dar 12:30pm khan DC conference room-ah Mizoram Right to Public Services Act,2015 inzirtirna leh inhrilhriatna hun Awareness training nei a ni.

Vawiin Awareness training hi Pu VL.Zuithanga, District Organiser, DM&R in a kaihruaiin, Pi B.Malsawmtluangi, Election officer, chu khuallian a ni.  Pi B.Malsawmtluangi chuan  Awareness training buatsaih a nih chhan te sawiin; training chhim tura lo kal zawng zawng te chuan midang te hrilh chhawng theih tur khawpa belh turin rilru leh tihtak zetin training hun hmang turin a ngen hlawm.

Dr.Saithangpuia, SDC chuan power point presentation hmangin Mizoram Right to Public Services Act,2015 chungchangah zirtirna a pe a.

Dr.Saithangpuia'n presentation a neih zawh hnuah hian sawihona hun hmangin, zawhna leh chhanna hun te hman nghal a ni.

Mizoram Rigth to Public Services Act,2015 hi 1/12/2015 atanga hmang turin Notification chhuah a ni tawh mahse, tunah hian ataka hmang tura  Awareness Training District tinah nei tan mek a ni a.Siaha district hi Training neih hmasak berna  niin, Mizoram district zawng zawng hi 24th August,2018 hmaa tuam chhuah vek tur a ni.

Mizoram Rigth to Public Services Act,2018 hi Mizoram Sawrkar hnuaia Sawrkar-in mipuite hnena Service a pek thin te hunbi neia pek chhuah ngei ngeina dan a ni a, he dan hnuaia Notified Sevices te chauh a huam a ni. Tunah rih chuan Mizoram sawrkar hnuaia Department paruk(6):  Taxation, Transport,PHE,Social Welfare, Finance leh RD atangin Notified services 46 a huam a ni.

Vawiin Awareness Training-ah hian Siaha khawpui chhunga VC member te leh tlawmngai pawl hrang hrang hruaitute an tel kim hle a ni.

Pu Jerry T.Mualchin, Assistant, DC office in lawmthu sawinain vawiin awareness training hi a khar ta a ni.