3638/2022-2023
Siaha, the 20th February,2023: Vawiin chawhma dar 11:00Am khan DRDO Conference Hall, Siaha-ah Mizoram State Day-2023 urhsun taka lawm a ni.

He hun hi Pi Lalnunmawii, Additional Deputy Commissioner, Siaha in a kaihruai a. Pu Lalhmunsanga Hnamte, Deputy Commissioner,Siaha chuan khuallian niin he hun hi a hmanpui bawk.

Vawiin hun hmana khuallian Pu Lalhmunsanga chuan thusawina hun hmangin, Mizoram State kan nih theih nana thei tawp lo chhuahtute zahna chibai ka buk a, an thawh rimna leh an inpekna avanga State dinhmuna hlan kai kan ni hi a lawmawm in a hlu hle a ni. Kan District hi chhim tawpah awm mah i lang, tumruhna leh taimakna nena tan kan lak chuan, kawng tam takah district dangte entawn tlak khawpin thil ka ti thei a ni. Chuti ni lova, mahni hna ngai pawimawh hmasa lo va, thildang ngaihpawimawh hmasak hian kan nitin nun leh, ei leh bar kan zawnna kawngah nasa takin min pawt hniam thei a, abik takin sawrkar hnathawk te chu sawrkar hna hi i ngaipawimawh hmasa hram hram ang u. Sawrkar hna hi Pathian hna a ni, tih i hre reng ang u, tiin kalkhawm te a chah hlawm a.Kan hnam zia rang leh tawng te hi humhalh tlat i la, kan inpumkhatna ti chhe thei thil reng reng i kalsan ngam ang u, a ti bawk.

Vawiin hun hmanah hian Rev. Hmingthansanga Pachuau, Presbyterian Church of India, Siaha chuan hunserh hmangin, Pu Chhihrau, Executive Secretary, MADC pawhin thusawina hun a hmang bawk.

Vawiin programme-ah hian a duh apiang tan thusawina hun hawn niin, zaithiam ten programme karlakah zaiin mipui an awi reng bawk a ni.