Vawiin chawhma dar 11:00 AM khan MADC Forest Hall-ah DEENDAYAL UPADHYAYA ( NATIONAL LIVELIHOODS MISSION) tlangzarhna hun hman a ni. He Mizoram State Livelihoods Mission( MzSLRM) tlangzarhna hun hi Pu R.Zarzosanga, IAS Siaha District Bawrhsap in a kaihruai a, Pu Lalhmingthanga IAS, Secretary RD, Department leh Pu K.Chhuabei EM( RD), MADC ten khuallian leh khualzahawm niin an hmanpui bawk.

Pu Lalhmingthanga, IAS chuan thusawiin, Central sawrkarin thingtlanga mirethei, BPL chhungkuate Self Help Group (SHG) kaltlanga anmahni an inkhaichhuah theihna tur leh eizawnna ngialnghet an neih theih nan kum 10 chhung zet SGSY Scheme a kalpui tawh a. Hei hi duhthusama a hlawhtling ngei theih nan Mission hnuaiah uluk taka enkawla vil zui turin kum 2010 atang khan ruahmana thar a siama, a hming atan National Rural Livelihoods Mission (NRLM) tiin a vuah a. He NRLM in a tum ber chu thingtlang mirethei chhungkuaa hmeichhia, a theih chuan Nu berte SHG-a intelkhawmtir leh, an theihna hmang ngeia anmahni indawmkantir a ni. NRLM hnuaiah hian State tinah State Mission Management Unit a ding leh a, Mizoramah chuan Unit hming atan MIZORAM STATE RURAL LIVELIHOODS MISSION (MzSRLM) kan hmang ta a ni, a ti. Khuallian chuan vawiin ni hi Siaha District-a hmeichhia te tan chuan ni chhinchhiah tlak Red Letter Day a ni a. He Mission hian Siaha District-a Nu te eizawnna ngialnghet neih tirin, an dinhmunte chawikangin, anmahni inrintawkna Self Confidence a neih tir ngei ka beisei tlat a ni a, a ti bawk.

Vawiin MzSRLM tlangzarhna inkhawmah hian Pu H.Laltanpuia, DFS(District Function Specialist) in Power Point Presentation hmangin MzSRLM nihphung,thiltum leh hmachhawp hrang hrang te sawifiahna hun a hmang a. MzSRLM hi Tipa RD Block-a kalpui hmasak phawt tur a ni.

Vawiin MzSRLM tlangzarhna Programme-ah hian Aizawl atangin MzSRLM Deputy CEO Pi Zosangi leh RD Department Official te , Siaha khawchhunga Hmeichhe Pawl leh Tlawmngai pawl hrang hrang aiawhte, Head of Office te, Media mi te leh sawmbik te bakah Tipa atangin BDO leh hmeichhe pawl hrang hrang aiawh tha hnem tak an lo tel a ni.