Vawin chawhma dar 10:00Am khan DC conference Hall-ah MP Election laia Siaha District chhunga  Sector Magistrate te chet dan tur inhrilhhriatna hun  hman  a ni a.

Pu R. Lalremsanga, Addl DC  in he inkawmhona hun hi a kaihruai a. 39-Saiha AC Sector Management Nodal Officer Pu Lalrinawma Khiangte leh 40-Palak Nodal Officer Pu Lalbiakfela ten Sector plan an duan chu sector magistrate  te hnenah  hrilhfiahin, huangzau tak leh chipchiar taka sawiho a ni bawk.

39-Saiha AC hnuaiah Sector 7 a awmin, Nodal Officer hian an riahna tur leh an ei leh in tur te, Election hma ni a?anga an chet chhuah dan tur te a hrilhhriat hlawm a ni.

40-Palak AC hnuaiah hian Sector 11 a awm thung a, mobile signal awm lohna laia hma lak dan tur te, chet chhuah dan tur te leh vote thlak hun tawp huna kal dan tur te chipchiar takin Nodal officer hian sector magistrate te a hrilh hriat hlawm a ni.