Vawiin chawhma dar 10:00 khan Serchhip DC Conference hall-ah District Election Officer, Pi Sangchhin Chinzah, MCS kaihhruaina in Serchhip Districta MP Inthlannaa hman tur Electronic Voting Machine leh Voter Verifiable Paper Audit Trail (VVPAT) Commissioning (hman theih tura buatsaih) neih a ni a, he hunah hian political party hrang hrang aiawh te leh EVM siam tu Electronics Corporation of India Limited (ECIL) Engineer mi 6 te bakah Pu Chuauhnuna, Dy. DEO, Pu Vanlalhmachhuana, Election Officer leh Election Official mi pawimawh dangte an tel a ni.

Serchhip District ah hian vote thlakna hmanrua Ballot Unit (BU) 122, Control Unit (CU) 121 leh VVPAT 113 kawl mek a ni a. Chung zing atang chuan 26 - Serchhip AC a hman turin Ballot Unit - 23 (Reserve-8), Control Unit - 23 (Reserve - 8) leh VVPAT - 23 (Reserve - 7) ruahman a ni a. 27 - Tuikum AC a hman turin Ballot Unit - 29 (Reserve - 16), Control Unit - 29 (Reserve -1 6) leh VVPAT - 29 (Reserve - 12) ruahman niin, 28 - Hrangturzo AC atan Ballot Unit - 25 (Reserve - 12), Control Unit -25 (Reserve - 12) leh VVPAT - 25 (Reserve - 9) ruahman niin, a vaiin Ballot Unit – 77 (Reserve - 36), Control Unit – 77 (Reserve – 36), VVPAT – 77 (Reserve – 28) ruahman a ni a. Heng bakah hian Awareness Campaign leh Training atana hman turin Ballot Unit 9, Control Unit 8 leh VVPAT 8 dah a ni bawk a ni.