Vawiin khan DRDA Conference Hall Mamit-ah General Observer Pu Pranjal Yadav, IAS leh Police Observer Sachin Patil, IPS hovin kan hma lawka MP Election lo awm tur inbuatsaihna thlirin Mamit District Election Officer leh Nodal Officer hrang hrang bakah Sector Magistrate-te an thukhawm.

Meeting-ah hian Mamit District chhunga Election kaihnawiha inbuatsaihna hrang hrang leh harsatna awm thei hrang hrang sawi khawm niin felfai leh ralmuang taka inthlan zawhfel a nih theih nan Nodal Officers hrang hrang leh Sector Officer- te report ngaihthlak a ni a. Mamit District chhunga fur ruahtui avanga motor kawnga harsatna awm thei leh Motor luh theih lohna Polling Station hrang hrangte chu a hranpa-a uluk zawka enchiang a, ruahmanna siam nise tih a ni. Tui thianghlim in tur leh Electric eng chu polling station tinah hian ruahmanna felfai taka siam a nih tawh thu Meeting-ah hian tarlan a ni bawk.

General Observer hian Mamita strong room-te a hmunah kalin a endik a, counting Hall siamna tur hmunte a tlawh nghal bawk a ni. Heng bakah hian Polling officials-te Training neih lai mek chu a hmunah kalin Training kalpui dan tlangpui a endik bawk.