Vawiin Chawhma dar 11:00Am khan DC Conference Hall-ah My project My NEDP-Mipui Mamawh Intawm Ruahmanna(MiMIR)  Scheme chungchangah meeting nei a ni. Meeting hi Pu James Lalnunmawia, Addl.DC in a  kaihruai a. Siaha District chhunga Village Council 92 aiawh kalkhawm te nen meeting hi nei a ni.

Meeting-ah hian Pu James Lalnunmawia Addl. DC chuan MY project My NEDP-Mipui Mamawh Intawm Ruahmanna(MiMIR) Scheme hnuaia VC ten  Project concept paper siama an intihsiak dan tur kimchang leh Selection Criterio te hrilhfiahin,  VC member te atanga  zawhna hrang hrang te chhanna hun a hmang bawk a ni.

MiMIR Scheme hnuaiah hian Mizoram District tina VC ten an Area chhunga khawtlang tana  Chhenfakawm leh rotling project siamah an in el dawn a. Mizoram District tin a  project tha ber siamtu VC  te hnenah  Cheng vaibelchhe Rs.1 ( Rs.1 crore) theuh an project thawh nan pek an ni ang.

VC tin ten an Project concept paper hi prescribe MiMIR Format  hmangin July ni 16 aia tlai lovah an district tin a SDO(S) hnenah an thehluh ang. Project concept papers thehluh thazual 20  thlang chhuakin, Chung project thazual 20 te chuan an project concept paper presentation chu District MiMIR Committee hmaah an nei ang.  Tichuan project thazual thlanchhuah 20 atang hian District MiMIR Committee ten an district theuh va Pakhatna  an thlangchhuak leh dawn a ni.

Siaha District bikah chuan Project Concept paper hi VC te kaihhruaina hnuaiah Joint Committee din a siam tur a ni a. He Joint Committee -ah hian NGOs 2: MTP leh MChP  aiawh  member 2 theuh an tel ang. Mimal angin project concept paper hi thehluh thei a ni dawn lo va, Joint committee kal tlang chauh va project concept paper hi thehluh tur a ni ang.