Vawiin chawhnu dar 1:00pm khan Medical  Main Centre-ah *National Deworming Day(NDD), 2018 round 2-na launch a ni a. Vawiin Programme hi Dr.Lalparliani,CMO in kaihruaiin, Pu. N. Zakhai CEM, MADC chu khuallian   a ni.

 Pu. N. Zakhai,CEM chuan thu sawiin; kan Siaha district doctor te leh medical staff te thawhrimna zarah leh Siaha District mipui te, tlawmngai pawl hrang hrangte leh kohhran hrang hrang te thawhhona that avangin, kum 2/3 kal  ta atang khan kan MMR leh IMR pawh a tlahniam chak hle a. Nikum chhung zawng khan nauchung nu thihna vawikhat chiah thlengin, kan IMR pawh tunah hian 23  chauh a ni tawh a ni. Kan Damdawiin pawh sak zawh tep tawh a ni a, NEDP atangin hmanrua tam tak sawrkarin min leisak tawh bawk a. Tun atang hun rei lo te-ah chuan Siaha district mipui ten IMR leh MMR sang filawr lak thin  District kan ni avanga kan hmai mawk thin leh kan rilru hreawm thin kha mumang ram a chan thuai tawh ka beisei tak zet a ni,  a ti. Kan Siaha District hriselna hi Medical Dept-ah chauh innghat lovin, mitin leh chhungtin te hnenah pawh a innghat a ni tih hi i  hre nawn leh theuh ang u, a ti bawk.

Dr.Lalnunziri,SMO in NDD hnuaia Medical Dept hmalak tawhna leh hmachhawpte sawiin, NDD chungchang zawifiahna hun a hmang bawk. 

GOI, NHM, Health & Family Welfare Department hnuaiah,  National Deworming Day (NDD) hi kum tinin vawi hnih (2) hman a ni thin a. He programme in a tum ber chu naupang kum 1-19yrs.te Rulhut avang  hrisel lohna awm thin tih bo nan a hmalak a ni.

 He NDD programme hi  10th – 17th August,2018 hun chhunga hman tur a ni a. Hemi hun chhung hian rulhut hlo (Albendazole) hi naupang kum 1 – 19yrs, Government & Private Schools, Anganwadi leh naupang school kal tawh lo te hnenah pek a ni ang. Naupang kum 1 – 5yrs leh naupang sikul kal tawh lo te chu Anganwadi Centre-ah leh ASHA te kal tlangin pek an ni ang a. Naupang leh tleirawl/ rawlthar kum 6 – 19yrs. sikul kal te chu Sikulah rulhut hlo pek vek an ni  bawk dawn a ni.

 Vawiin NDD lauch-na programme hi lawmthu sawina in Dr.C.Hnichho,DIO in a khar ta a ni.