Tukin zing dar 7:00Am khan Mizoram district dang te rualin Siaha District-ah pawh National Immunization Day(NID)-2019 hman a ni. Vawiin  NID-2019 programme-ah hian  kum 5 chin hnuailam naupangte  hnenah Polio vaccine pek an ni.  Siaha district-ah hian Polio Vaccine pekna booth 89  hawn a ni a. Kum 5 chin hnuailam naupang polio vaccine la thei 6564 siaha district-ah an awm mek a ni. Naktuk atang hian booth a vaccine la lo te in tinah Health Worker ten kalchilhin polio vaccine  hi naupang kum 5 chin hnuailam te hnenah an pek chhunzawm zel dawn a ni.

Vawiin National Immunization Day(NID)-2019 hawnna programme tawite hi Siaha Vaihpi field-ah neih niin, Bawrhsap Pu Bhupesh Chaudhary IAS  chuan  NID-2019 hawn nan naupang pakhat  hnenah  Polio vaccine  hi a pe a ni.   Pu Bhupesh chaudhary chuan Polio vaccine pek hlawhtling taka siaha district a  kalpui a ni theih nan hian ASHA, Health worker te  leh Aganwadi a thawktute an pawimawh hle dawn a ni, a ti.

Tukin NID hawnna hun tawite hmanna-ah hian  Dr.Lalparliani CMO, Dr.C.Hnichho SMO, Dr Lalnunziri MO leh Pu N.Vabeiratlua DIPRO te pawh tel vein, Polio vaccine pawh  naupang thenkhat hnenah  an pe ve a  ni.